琴日終於都係鐘聲換物會,由整board開始辛苦左差不多一個月
朝早八點幾就返到去佈置,然後10點左右就開始,陳佳都算好人架喇,俾左40蚊我地買野飲,當d公公婆婆入黎就正式開始,不斷o係出面叫賣,希望d人留意到會去玩,途中以為公公婆婆都係要俾遊戲卷,但係佢地又話有人同佢地講話唔使,於是走去問miss陳,佢雖然都唔清楚但係就講左句”睇下你係想d公公婆婆開心定點既姐”,又o岩喎,於是o係未清楚既情況下繼續唔使公公婆婆俾卷玩,又幫佢地撥扇又”乙水”下佢地,so good
由朝早叫賣,叫到下晝點幾終於頂唔順,喉嚨都沙埋,雖然佢地都有叫我抖下,但係我見琪姐咁唔舒服都撐住,我呢個做社長既又點可以抖,同埋我相信努力係被認同既最有效途徑,我唔想我既社員覺得我恃住係社長就咩都唔做,我想佢地覺得幫我做野係值得既
d公公婆婆走左之後就開始有其他人入黎,見到好多好得意既bb同小朋友,有o靚仔肥肥地著到成個mk仔咁超過癮,然後又見個樣好得意既妹妹同bb,個bb就係相裡面o個個,佢自己一個走過黎我地度玩波,又識擺pose,最後佢阿媽都搵得返佢,係佢阿媽真係嚇死
o係呢個四社遊戲卷既票數裡面,慎社贏左!好野!
過左換物會終於都可以抖抖,過返d正常學生生活下個目標----陸運會
努力!