我個xanga有裝tracker，可以check到有幾多人到過，睇左幾耐，係邊度link 過來等等。近排多左一批來歷不明鮋訪客，佢地IP不同，甚至來自唔同鮋國家，但相同鮋係，佢地都係係google、yahoo、yam等搜尋器度link過來，兼且都係search同一款關鍵字；哩個關鍵字就關鍵囉，人名一個，九十年代頭香港首席艷星，兼有「波霸」之美譽……頂賣乜關子丫，係人睇到哩篇野個標題都知我講邊個啦，無錯令我個xanga人氣急升鮋關鍵字就係：

葉．子．媚！！

事原我某次係xanga度打左一句「愛既偶像：葉子媚和葉玉卿」，自此之後如果你係各搜尋器網頁度search葉子媚，我個xanga大概就會係第四至六頁出現。到而家為止都未有人係因為search葉玉卿而來，而且search葉子媚search到第六頁都仲唔理三七廿一click入來睇，可見葉子媚仍然係幾咁受網友歡迎。

翻查資料，據講葉子媚「全盛時期」鮋三圍係36-21-35，癡線鮋咩，哩個唔單只係葫蘆身形，個葫蘆仲要倒轉左！實在難以想像佢係出身於盛產Twins、鄭秀文、趙學而、梁洛施鮋香港。

諗起葉子媚，令我諗起小學畢業旅行時成班傻厘(包括自己)見到棵樹個牌寫住「大葉子薇」就笑到停唔到聲；仲有「葉子微微聳動，十分好看」這個老掉牙的笑話。雖已老掉牙，但哩個笑話真係不可多得，句野不單將葉子媚個名套入一句尋常而通順鮋句子入面，而且仲引發出無窮意像：

相信只要葉子媚微微聳動，所有麻甩佬(包括自己)都會覺得十分好看頂喇～