奇遇一、 話說今日搭地鐵, 見到個唔知菲律賓定印尼既肥婑女人同抱帶抱住個bb. 初時見佢同個bb都玩得幾溫馨既, 不過過左陣個bb就喊喊地, 又唔係大喊咁. 個阿媽見勢色唔對路, 唔知點解條抱帶既尾剩左好多, 個阿媽一個白鴿手一轉, 條包帶尾就包住左個細佬. 我初時以為係o的光太刺眼, 佢唔想個bb照到….殊不知, 原來佢打算餵奶. 冇錯, 響地鐵勁多人時餵奶…吹漲~~ 立刻擰轉身唔望啦, 所以之後發生乜事我係唔知, 只知佢係痴線. 我唔係覺得餵奶有問題, 只係場合唔適當o者~.

奇遇二、 今日去又一城, 咁我去個商場廁所時, 一開門成個廁所都冇人, 除左一個男人響尿兜排前面. 我以為佢小解, 又殊不知佢係做早操. 冇錯, 係早操. 佢張開腳企, 左右扭腰, 手配合. 仲有手既屈張動作. 仲有其他我唔識形容既早操, 真係睇到我眼都突埋…之後我拿拿聲響廁格攪掂閃人. 又係痴線…