今日去旺角打機, 打打下機, 響我右手邊過幾部機已經有一個人打緊, 有一個人跟緊機. 起初見到佢地兩個個口都口郁郁, 唔知係傾偈定係點. 但後來見佢地嘈交, 越嘈越大聲. 兩個個樣都嘈都火紅火綠, 粗口故然大把. 內容大致都係跟機果個見打機果個見到明知有人跟機, 都故意打方程式延長打機時間.

佢地嘈左好耐, 打機果個一邊打機, 一邊得閒就擰下個頭同企響度跟機果個人嘈. 嘈下嘈下, 打機果個人打到就黎爆機時, 佢地唔知點解兩個人既態度開始冇咁火爆. 當我打完我既機時, 見到佢地開始 “傾偈”. 依我個人觀察, 佢地係兩個互不相識的人, 唔知點解可以仲爆粗爆到咩野咁既口角, 去到兩個傾偈, 其間都唔知發生乜野事.

當我行開行埋後, 再望下佢地, 竟然有講有笑!! 兩個竟然咬耳仔, 又拍晒膊頭, 好客氣地你一句我一句.

機舖入面, 有時真係睇到好多奇境.