話說夜晚就約左朋友打籃球, 其實朋友A 同朋友B呢就有o的小磨擦. 其實都係o的好小既事o者. 朋友A 呢就發脾氣到又扔樽, 又扔蓋. 朋友B初時就稔住了解件事情既, 不過朋友A又好似扯緊火, 講講下朋友B 都發埋脾氣, 仲執野走.

其實我自己就覺得朋友A同B 就各有錯既地方啦, 兩個都有o的責任既. 但見到朋友B執野走, 我又唔想開聲留佢. o的咁幼稚既行為, 佢要走我真係唔多想開聲留. 費事令佢以為呢o的方法係work既.

之後朋友A固然快下左啖氣啦, 不過都冇人稔住搵番朋友B. 但打打下, 朋友B仲買左兩枝大水番黎同朋友A和好. 情景實在令人太感動喇~~!!!! 當然冇事啦. 但因為咁, 朋友B既行為就可以睇成自己離開冷靜一下, 然後再主動和好. 好開心呀令我~~~ 呢o的大概就係男人之間既情義, 響女人與女人之間係極難搵到. 我亦都相信如果有差唔多情況既事情發生響女人身上, 我認為結局都唔會咁好.

其實我自己回想起, 我都未同過身邊既好朋友吵過架. 我都唔知係好事定係壞事. 見其他人都好似試過同好朋友吵架, 而我就莫講話大吵, 小吵我都亳無印象. 完全唔明白~~ 哈哈!!!!