去左一個禮拜韓國, 我覺得好好玩. 除左係因為兩個人去之外, 事實係抵玩. 以用錢和團費黎計, 絕對交足貨.

韓國比我感覺係一個好有規劃同規矩既地方. o的韓國人既公民意識好強, 政府唔比做既, 好少人違規. 好似衝燈過馬路, 停車一定要熄冷氣同引挈等等. 路上面極少極少警察, 響馬路上面著住制服指揮既, 竟然係模範的士司機. 去水上樂園玩既時候, 見o的人唔守規矩, o的救生員係捉住違規既人響度鬧. 係鬧, 唔係強烈勸讑. 城市好乾淨, 但又見到唔少人都隨地吐啖同掉垃圾, 多奇!! 但韓國人既英文實在差到離奇, 基本既英文都聽唔懂, 呢點真係令我唔明白.

講下文化, 韓國人出名吃辣同泡菜既文化果然明不虛傳. 我地個導遊本身係家庭主婦, 一到每年既十月十一月, 佢就會響屋企醃製約二百斤泡菜自用過冬. 其他家庭主婦都會咁做.

韓國果然係一個極大男人主義既國家, 男人地位奇高, 幾乎每個結婚既男人都打老婆, 難以置信. 呢o的唔係習慣, 係地方文化. 聽導遊講, 韓國女性既打扮衣著, 都可以睇到佢地大約既身份. 比如結左婚未, 主婦喜歡燙曲髮, 化藍藍紫紫的粧. 而少女大部份是直髮. 韓國仲有一個好厲害既地方, 就係當sars流行於其他亞洲國家, 幾乎每個亞洲國家都有人感染sars時, 韓國是零感染的. 據導遊講, 這與韓國人既生活飲食習慣同由細開始吃人參有關.

另外, 韓國既景點真係靚到飛起, 好鬼死靚. o的花樹石林, 河草山川都天然地組合得非常吸引, 宏偉. 坐旅遊車經過既田, 海邊等都非常漂亮. 雖然天氣算熱, 但又有涼風配合, 都比到人舒服既感覺.

講番城市, 唔駛聽聞都知LG係韓國第一大牌子. 去到韓國先真正知道呢個牌子點樣大法. 我地認知既LG, 最多涉及電子產品之類. 韓國本土, 到處都同LG拉得上關係, 手機, 電腦, 家電, 建築, 大厦, 便利店, 總之去到邊都會有LG陪住你.

總姞韓國之旅, 第一次兩口子出門, 見識很多, 感情增加更多.