嗯~隔左咁耐先喺度打野,真係有好多野想講呢,有想記低的,亦有想講俾你知的事。

近排我真係發覺你喊多左呢,我好怕你喊的,奈何你真係喊包黎架...連我都係呢...

由上一篇文,到依家,我諗我好似係喊過兩次啦,一次係我話「好累」,另一次係我「放唔開」。

「好累」果次,其實我真係唔應該咁講的......冇錯我真係會累,但係累得有價值,你明嗎?可能當時真係頂唔住爆出黎,令你傷心真係對唔住...但係我真係從未介意過,從來都冇,反而我好享受喺你身邊為你擔憂,做每一樣既事...只要喺你身邊就真係夠啦,乜疲累都唔記得晒。

至於「放唔開」果晚...你話我喊住咁走左,丟低你就走,於是你另一日就決定做一樣令我覺得好恐怖既事就係要分開一排唔好見面...我當時真係好驚,驚到想即刻搵你,叫你停止,唔好!no!分開,我從來都唔想,更加唔敢諗,希望你記住,唔好用呢種做法,只會令你我更傷心而已...你話我地兩個既關係建立喺感覺上,其實仲有的,就係我地既回憶,我地一齊經歷過既一件件事實,雖然過去,有喜有悲,但係都喺我地關係中有佢地既價值...我地一齊喺班房度坐;我地第一次去睇戲;我地第一次錫錫;你帶我返大陸;我帶你去我細個成日去既海灘;我地第一次攬住一齊喊...兩次...三次...;我地一齊瞓覺;你睇我既表演;一次又一次既接你放工、放學.......好多好多,數之不盡。果晚我喊,我諗番都覺得好不知所謂,放唔開只係藉口而已,還是勇敢面對至係嘛...令你心痛,對唔住~唔會的了~以後都唔會為呢件事而自怨自艾,唔會~

至於你嘛...呢幾個月黎你喊左唔知幾多次了...

岩岩你喊,係我衰,我太過份啦,根本我既行為同罪犯冇分別...我應該尊重你的,對唔住。冇下次的了...真係冇了,唔敢啦...你打我啦...

對上一次,你自己唔知做咩,把心一橫叫我一排唔好再搵你,分開一陣,我知你根本唔想的,但係你成日都做一D違背自己意願既事,到頭黎都叫你我傷心...對事情冇解決效用既事,真係唔好做好過做呀...你明嗎?但係你偏偏要去做,叫我真係好似拆炸彈一樣,吓吓都要步步為營。

再對上一次,唔記得咩事啦...算啦,話你喊包真係冇錯的,喊係解決唔到問題,亦都唔好發脾氣,粒聲唔出,因為都係冇用的。

我真係好希望你可以事事都講出黎俾我知,係誠實地一五一十講我知,冇半點隱瞞,咁我就唔洗成日估下估下,問長問短咁...有時我問得你太多我都係覺得自己好似成日煩住你,覺得自己好多事,雖然我又真係既...但係我希望你明白溝通既重要性,你要習慣唔好怕羞,將心裡面既感覺同想法都講俾我知,等我幫你一齊解決,就算幫唔到你,我都想氹下你,等你開心吓吖,你叫我唔好成日氹你,但係我至想你開心番吖...我唔想我既愛人係成日掛住兩行眼淚,好傷心既樣...我既黃韻藝應該係成日開開心心,好愛我至係嘛,係咪?

我諗番我當初同你喺埋一齊果陣時,我一直都提醒自己要小心,小心自己既行為,小心自己既態度,小心自己既說話...當中我覺得說話真係要好小心,因為講錯一句說話就可以令你喊足三個鐘...你一喊,我真係幾經辛苦先可以氹番你,所以我唔夠膽丟低正在喊既你而走左去,一定要氹番你為止...

掉番轉頭,我都知道你好怕我喊的,每次我喊親你都好驚的,然之後又陪我喊埋一份...哈哈,喊包。笑多d啦,韻藝。

我知你成日都想對我好,但係又覺得自己對我唔夠好...其實凡係人都有極限架啦,當你做到某一個地步就冇得再做落去架啦,但係你起碼有盡力過嘛...所以我明白你的心意,明白你點解咁諗,我覺得好滿足,好幸福,你做既事根本就已經夠架啦,因為我地係一對幸福既戀人,我地真心鍾意對方,為彼此設想、擔憂、分享,我地有我地既承諾,我地好愛對方...我真係覺得好幸福、好幸福...好想每一刻同你喺埋一齊...真係好想...呢個就係我地既關係啦,你見到嘛?感受到我地既幸福嘛?我地係比世上每一對戀人都仲要幸福呀~我地點一齊架?我地都係因為鍾意對方而一齊架,我地係彼此愛對方架,所以我地應該永遠喺埋一齊的~韻藝~我已經好滿足架啦,唔好自責呀...你既諗法,我又何嘗無呢?我都覺得對你唔好的...一齊努力,好無?唔好放棄我地既愛,好嗎?我唔想再聽到,亦都唔想你再諗住去放棄我地既關係同感情。你係我既女人，我係咪係你既男人呀？等你答我。

對你，我真係出自心既對你好吖...冇悔冇恨,只怕你會走,唔要我了,千萬唔好...我已經不知不覺間對你太在乎,將你放喺第一,為你著緊,開心,傷心...我幾時開始咁認真的?唔記得啦,恐怕係自從將你擺喺我既心深處果時開始吧...要我放棄你,根本係冇可能既事,冇左你,我以後都唔會再搵...你明白我對你既認真嗎?

你不必睇你自己既缺點,睇出自己有幾唔好...其實我一直都知道得好清楚,我包容得到,我亦都好鍾意,我已經唔係第一次講的了...我對你既愛,係將你既優點同缺點都愛落去,呢個諗法一直都冇變過...我都有我既缺點,我亦知道你有容忍我...對唔住...

流淚係冇錯的...最緊要係事後要改過。

一點永不變既就係「我愛你」~