傷癒的王子
（上集講到，因為姐姐的一句說話，令王子終於恢復記憶；不過，重有少少嘢我遺漏了：王子為了要保護我，勉強使用自已的防禦能力，令其內傷復發；在這危急關頭，二佬的出現拯救了已經傷痕累累的我同王子….）

當晚一回到家，王子就暈倒了，一直冇醒過，這情況持續了3日。到了三日之後的早上，王子終於醒了….

「王子，你醒番啦終於…」
「….mimu仔…我而家…響邊度呀?」
「咪響番屋企lor，你唔記得了啦…」
「…又係wor…點解我成個人都好似冇晒力咁嘅？」
「咁你訓了三日，又冇食過嘢，差唔多啦。」

雖然王子已經醒番，但係佢成個人都好似好虛弱咁，講嘢都冇神冇氣咁…

當佢戴番眼鏡之後，一看清楚張床，就發現了d嘢啦…

「對啦，點解我張床多了咁多我之前冇見過的嘢嘅？唔通響呢段時間，你攞晒我d錢嚟亂咁買嘢？」
「唔係呀…你唔記得咗啦？之前係我同你的生日，再加上我想令你快d記番起以前的事…所以…」

咁我唔否認自己係買了好多嘢嘅…例如有佢idol的球衣，新的keeper衫，生日禮物…等等，因為多得滯，冇位好擺，所以堆晒響張床度。買嚟做乜？因為我覺得咁會可以令佢記番起以前的事嘛…

「等我睇下你d生日禮物先…三合一袋、鞋，重有…兩個杯?!」
「有兩個人送杯畀我，其中一個係二佬。」
「另一個呢？」
「係姐姐送嘅。」
「咩話?!你姐姐會送嘢畀你？冇咩可能啩…」
「唔係呀，係另外一個。」
「or…你古惑啦…」
「咩呀…fd而已嘛…咪亂諗嘢啦。」
「重以為你已經搵到個新的呢…」

王子睇嚟好想我快d搵到女朋友咁wor…

「係啦，我地一直玩開的攻防戰呢？你生日嗰場點呀？有冇輸到？」
「梗係冇啦，不過都羸唔到。只係…」
「咩呀？90%係你姐姐冇過嚟啦。」
「咁都畀你估到嘅…正一死人頭。」
「重要係連禮物都冇畀你tim啦。」
「…………(唔開心中，有d想哭的感覺..)」
「唔駛唔開心wor，mimu仔。我一早就同你講過唔好對你姐姐存有任何希望的啦…一早咁諗就唔會唔開心啦，你唔好話我聽你對佢重有感覺呀..」

王子又講中了，我真係好唔明點解佢會咁了解我個心點諗的…

「人地根本就唔會鍾意你，做咩要響佢身上浪費時間呢？」
「呢d嘢唔可以咁樣計的嘛…如果你真正愛一個人，就算你明知付出不會有回報，你也會無條件的繼續落去。」
「係呀…冇錯，只不過，我感覺到你的內心已經開始動搖了…」
「冇呀！我嗰種感覺一直都冇變過…」
「你有，因為你覺得係姐姐令到我受傷的，加上我同你二佬的說話，所以你已經開始懷疑啦…好，我呢條傷痕都算有d價值，可以令你早d開始放低呢個人，很好。 mimu仔，你要知道，你呃唔到我架。」
「我一定會證明畀你睇我的信念係幾咁堅定的，死人頭！！！」

不過，連我自己都唔知到底係咪真係又畀王子估中了我內心的事情…好亂呀！！！！！！！！