很久之前，王子受了內傷，一好番冇耐就再整傷了手指，要再休養多幾星期。

自從王子d傷好番晒之後，佢就一直都冇掂過足球，早上都冇去過練習。咁睇落好似係好正常；但係，其實過咗咁耐，照計應該好番晒，可以落番場先係架….點解佢重係唔肯落場呢？

我開始懷疑佢係冇咗信心同鬥志，多過係d傷未好番lor。佢而家日日都唔去球場，淨係識響屋企訓覺，訓覺同埋都係訓覺。四月尾有場比賽，如果佢踢得好，就可以響嗰隊球隊度奪得正選位置。之前兩場比賽佢都因為傷患未癒而踢得好差好差。

為了要佢重新振作，我唯有用一個計劃…..

幾日後的早上，陽光普照。我比王子早起身，然後執嘢去踢波。
「妖！邊個日光日白嘈吱巴閉呀！！唔駛訓咩！！！」
「王子，你醒就好啦，陪我去練習啦。」
「你發咩神經呀，mimu仔，晨早流流去踢波，咪搞事啦…」

我到了球場之後，我發覺原來王子都跟來了。

「你唔係唔嚟架咩？」
「我想睇下你d技術到底有冇退化到呀嘛…」
「哈哈，不過我今日係要做守門員wor。」
「咩話？！你講笑咋嘛？咪呃我啦。」
「你唔好以為我唔識呀，嗰d 片我都睇過晒啦，你睇我表演吧啦。」

雖然睇過晒d片，但係我d技術都只係半桶水，所以不斷畀人射入。王子雖然冇講到d咩，但係我知道佢係睇到好肉緊，好想自已踢嘅。

過了不久，之前令到王子受內傷的叔叔居然出現，完全出乎我的意料之外。就算係王子之前都冇把握可以打敗佢，何況係我呢？

佢一嚟到，就送了一球勁度十足，而且弧度都有番咁上下的射門畀我嘆，目瞪口呆的我，只好眼白白看著個波飛…….……出界。

第二球，今次就對正我塊面飛埋嚟，正當我諗住會有波餅食之際，唔知幾時著好晒手套的王子就走出嚟，幫我擋了呢一球。

「王子，乜你…唔係…未好番架咩？」
「咩呀？我唔出手，唔代表我未好番，睇到你踢成咁，簡直係丟晒我架呀。等我示範畀你睇咩叫做真正的防守技術啦，mimu仔。」

當王子出場的時候，唔知點解，突然烏雲密佈，天昏地暗。好有一種大戰當前之感，好得人驚。

講咗咁耐，其實大家都未知我嘅計劃係點。我係諗住叫佢睇我點守龍門，當佢睇到我守得幾咁差，就會stimulate到佢嘅鬥心，有番鬥志啦。
（呢個plan係我有一日睇佢d 漫畫嗰陣搵到嘅….）

兩個強者對決，向來非常緊張，今次都唔例外。佢一直都射唔入王子的十指關，但係王子都接唔實佢嘅射門，雙方可以話係勢均力敵。

呢個叔叔，上次都未用到100%的力量就已經可以整傷王子，今次佢開頭都係冇去盡，重同王子講：「我先頭都未出全力，就由呢球開始出全力啦！」

不過，王子都同佢講：「我等你呢句咋，嚟啦，阿叔！」

雖然個叔叔話唔會留手，但係佢始終都唔可以響王子身上入到一球。雖然王子都重係擋晒佢d射球，佢始終都係接唔實。

到了最後，雙方打成平手，不分高下。嗰個叔叔之後都讚王子好厲害，咁證明佢都認同了王子的實力。

最衰我唔記得帶佢之前win了波買的新電話去影佢相，佢嗰d撲救動作，真係好鬼死型架！不過，影完咪又係畀番我自已睇….都唔知影嚟做乜。

係咪先？