朝早十點幾收到豹豹電話, 約我出九龍灣同ｐ仔＆佢一齊食lunch。

十二點半出到九龍灣德福, 周圍都好那多人, 攪到ｐ仔要白等, 最後ｐ仔都係要買外賣返公司食 :p

好在豹豹打果份係風流工, 食到三點返公司都冇所謂, 於是我地就慢慢嘆。
(順便響度多謝豹豹份禮物, 放響電腦隔離fit晒) ^^b

之後就落尖沙咀海港城同家姐shopping, 唔知係唔係因為初四係吉日既關係, 所有店舖都開晒門, 而每個店舖門頂都吊左棵生菜等醒獅隊伍黎採青。

我由細都大最怕就係「咚咚隆咚鏘」既鑼鼓聲。當時我發晒癲不停咁叫家姐講：「唔得喇！我地要盡快離開現場, 快ｄ陪我走呀！」

點知原來成個海港城有三隊醒獅, 我點避都避唔到。迎面見到醒獅隊伍果一刻, 我成身起晒雞皮, 好想ｘ (>_______<")

俾班醒獅隊伍攪到冇晒心情, 全程我只係買左支 Lip Gross 就乜都冇買 = ="

尾程同家姐去左尖東碼頭食雪糕, 然後幫襯左碼頭旁邊既畫家, 畫左幅Ｑ版畫像。

個畫家望住我地Ｒ晒頭, 佢話畫孖生好高難度 :p

我同家姐坐響條街度成個鐘, 俾廿幾個遊客圍觀, ｄ國語人不停話：「好像呀！她們是雙胞胎！他畫得也很像呀！」

我就覺得面形好似, 對眼最似, 條眉都似...而家姐個樣都畫得幾似既...

hehehe...最滿意就係件旗袍, 身材幾咁玲瓏浮突 ^^v