大年初二, 上左婆婆屋企食開年飯。

唔知係唔係近排天氣和暖, 婆婆屋企棵桃花開得好靚 ^^

食飽飯後就同表姐落中環幫舅父同埋姨媽買六合彩, 之後就落左銅鑼灣 shopping ^^

到左夜晚又返上婆婆屋企食晚飯, 之後就同媽媽搭地鐵返將軍澳。

我發覺ｄ人真係好自私, 明明我同媽媽排隊搭電梯先, 有個賤男霸尖入電梯, 於是我好不滿咁啤住佢, 點知佢又啤返我轉頭, 頂佢丫...見到個亞婆拎住支拐杖行到吉下吉下都唔讓下 xyz!@#$%^&*..... ."/.

入到地鐵, 有個男人好好心讓坐俾我媽媽, 點知有條大陸仔同我媽媽爭, 頂 ."/. 又要我駛出啤功, 啤住條粉皮 ."/. 佢先唔好意思俾返我媽媽坐。

返到屋企餵熊仔食飯後, 我親自炮製薑汁撞奶俾媽媽食, 估唔到第一次整就成功, 我媽媽仲話好好味, 食完感覺好舒服。

薑汁撞奶既方法好簡單：
1　將薑磨成蓉, 然後放入煲湯袋隔渣
2　將薑汁倒入碗中備用（每碗只需２茶匙份量）
3　將牛奶 + 糖用慢火煮熱
4　用湯匙攪動一下, 令牛奶降溫
5　快快手撞入薑汁中

待幾分鐘凝固後就大功告成 ^^v