我呢個新聞台真係可以改名做Peter的故事 = ="

尋日返工, Peter幫我拎埋張申請特區護0既表格, 但我最後都係推左佢喇！

一來費事俾人講閒話。
(雖然點睇我都唔會同個大叔拉上關係, 因為我擺明鐘意年紀細過我0既人 ) :p

二來同兩個「老人家」去, 真係冇乜樂趣可言。

三來唔想無啦啦受人家恩惠。

唔知我拒絕Peter 0既技巧係唔係有問題, 攪到佢放工後即時又同我澄清。

Peter知道我擔心佢係壞人, 跟住講左好多野我知, 係真係假就唔知喇......

佢話佢太太有遺傳性紅斑狼瘡(醫生告知已到爆發邊緣), 而佢太太0既家姐幾年前仲病發死埋, 令到佢太太精神大受打擊, 所以佢一有時間就會同佢太太周遊列國, 而最近佢同佢太太識左我, 覺得我係乖乖女, 所以想請埋我一齊去旅行。

佢仲話我知, 其實佢太太唔係第一任, 而個女都唔係佢親生, 佢話佢同太太16歲果年已經相識, 但當時屋企反對二人一齊, 之後兜兜轉轉, 緣份又將佢地兩個拉返埋。

佢仲話我知佢個仔有思覺失調, 佢話教會0既人幫左佢太太同佢個仔好多好多, 令佢原本非常之抗拒教會, 都漸漸每星期返教會一次。

唔理佢對我講0既野係真係假, 做朋友真係好講緣份。
ｄ人成日話上網識朋友好危險, 但又俾我識到大班好朋友, 仲搵到知己添。
想當初我識熊熊幾日就可以坐響屋企樓下傾天光, 識左魔女幾日就親切到認埋做妹。

頭先check e-mail, 收到佢地一家人send俾我0既聖誕咭, 睇到我眼都凸 ＠.＠

我相信佢地一家都係好人！