2005-11-27 00:12:35Yan
溫暖牌
何小姐從來未學過編織, 佢竟然可以未學行先學走, 就決定親手織件冷背心送俾男朋友做聖誕禮物。
明明１０２針, 織織下竟然可以多左５針, 變左１０７針。
由於佢唔想從頭再織過, 商量過後, 決定由我幫手逐針拆出黎...點知一拆就要拆二百幾針 = ="
睇住何小姐拎住支冷針, 真係鄧佢辛苦, 正如佢所講：仲慘過擔泥 :p
我幫何小姐計過時, 佢織１行１０２針, 大約需時二十分鐘......
即１個鐘先可以織到３行, 當佢不眠不休, 用足２４小時, 每日可以完成７２行。
真係要不停手密密織先可以趕得切做聖誕禮物呢 ^^"