昨晚10:30到達香港機場 結束了韓國5天之旅 呢個旅程真係有喜又有驚 去韓國旅行最主要原因係因為生日 所以開心就一定既 初初以為坐零晨機好抵玩(5/6-00:40) 點知係辛苦到痺 响飛機到又o訓唔到覺 落機都5點幾(韓國快1個鐘) 之後又要坐4個鐘車先到第一個目的地(雪嶽山) 真係倦到死 又要去觀光 d相影出嚟張張都冇里神氣 幾辛苦先捱到夜晚 之後到第二日就好d 心情又好d 因為生日嘛 哈哈 而且去繽紛夢樂園玩 仲要係玩足一日 差不多想玩既機動遊戲都玩齊 玩到9點半就返渡假村(頭兩晚都係住渡假村) 之後就約d團友出去食消夜 行到一個巴士總站 因為韓國人英文差 我哋就更加唔識韓文 指手畫腳咁同巴士司機問路 問咗好耐 一係就司機唔明 一係就司機明 但我哋又唔明佢點答(我哋問景福宮向邊個方向行同埋要行幾耐) 好彩有個大學生上車 佢話要撘車先去到 而之前問路果個司機就係楂呢條路線 所以我哋一行十幾人就上巴士 去到景褔宮個大學生就叫我地落車 因為果到原來冇乜野好食 我地一路行 一路睇吓有冇d特色d既地道野食 行到生果舖 d團友話想食生果 所以就行咗去睇生果 行到去見到d西瓜好大個 d團友又話好耐冇食過西瓜 所以就決定買西瓜 一開始果檔唔肯平比我地 之後果檔不單只肯平 仲肯幫我地切埋 起初到講咗好耐 想佢幫我地切埋 個男既始終都唔肯 之後個女既肯 我地立刻响到歡呼 但佢只係得把刀仔(好細既生果刀) 佢圍住個西瓜切咗個圈都開唔到 之後佢行咗過對面舖(食店)借咗把勁野 一口氣切咗唔知幾多舊 食到我地飽飽 佢仲要好人到幫我地掉埋垃圾 食完之後 我地就一路行 繼續睇吓食咩消夜好 行到去一間24小時營業既韓式餐館