2013-07-01 01:12:59Jack
挫折
其實呢個站台應該叫做鍾無艷。
霎眼間已經二年。兩年的(偽)天堂，每日返工放工，衣食無休，個人都變得愈黎愈懶散。當你既人工係 overpay 得好緊要既時候，原來真係可以養到個人好平庸。
但係而家，paradise lost.
派左我去全公司最無前途既部門，簡單黎講即係叫我自己走人。
諗返呢兩年，其實真係乜都無做過乜都無諗過，每日都好隨波逐流。雖然我自己都覺得自己既性格係適合呢個部門，但係呢兩年黎如果我自己都有呢個諗法，又有嘗試過認真看待的話，總不致會落下如斯田地吧？其實一切都無乜藉口可言。
但係當事實擺在眼前的時候，難以接受。6:25分我仲係度玩緊 iphone，心諗邊有可能會比人放逐？點知當6:30收到通知的一刻，我真係有想喊既沖動。
周圍突然變得唔一樣。被自己冠上「失敗者」的帽子，感覺很難受。
迷妄－迷失，魯莽。揾左好多人傾計，得到好多意見－但係到最後，好多野都係要自己決定。
到最後，我都係唔知自己到底想要乜野。
如何落筆