今早，如我所料，好鬼攰。呆呆滯滯咁返左去。

今日係搬屋日，所有位置都來個大兜亂，只有少數的人可幸免於難。

而家office又分劃多一個區劃，我稱之為"蘢屋區"。因為條巷真係好窄。

有平民區，一般大眾所處區域，張枱size一般，距離適中。

有豪宅區，非一般平民所處區域，張枱size較大，位置寬敞，而且背靠牆，自成一角。

有開揚區，行人必經之路，做咩都俾人見到，好開揚。

我就係身處開揚區中。

今日總括黎講只可以用一個字黎形容，就係"亂"字。

搵個位zip都無，仲開放埋我個位出黎，做埋臨時印刷區。有家歸不得。

坐車車返屋企時，真係好攰好攰好攰。跟住就訓著左啦！

雖然訓著左，身體疲累，但唔知點解腦海活動比清醒時更加活躍。

真係辛苦晒d工友。
成張枱黎搬，見到都重。

成個電腦墓園咁款，睇到都覺有d恐佈。
仲要寫晒d名係度，好似xx牌呀。

不斷向高空發展，隨時變危樓。

d電線周圍亂飛。
好亂好亂好亂.......