今日係九一二投票日,我終於履行左公民既職責,去左投票。

唔…其實我本來都冇諗住會落街投票嫁,但一睇到電視見到新界西投票率係最低,我就好有衝勁咁去投喇!!!話晒我都係新界西既人丫麻,都唔想包尾嫁~但係呀媽一早就掉晒d通知書.都冇咩點睇過d人既大綱政績,而且又有咁多候選人,我又唔係好知d人邊個好,都幾難揀下!!

到左3點幾,我就拉埋呀媽(花姐)落街去落票囉!落到去都唔鬼知邊度係投票站,落到街只係見到好多旗幟,好多唔同顏色既人同傳單囉~點之呢,落到樓下竟然會見到tiger囉!!!好驚訝囉~真係唔知講咩好=.=跟住就見到個投票站响邊喇.原來响隔離樓下！話晒都係第一次投票,唔多唔少都有點兒興奮,一入到去,第一樣野就係check身分證喇,因為要對number去返岩既counter,再拎埋張票自己搵位吸印仔喇! 吸完就放入投票箱,就咁就完喇~

其實我落街之前已經諗定投邊個嫁喇,咪就係「何俊仁」囉！
冇呀~又唔係特別覺得佢好既,我投佢主要係因為我覺得我條村果個議員做得幾好,而佢地又同一個黨wor,所以咪投佢囉~而我花姐就投左另一個人…

投完就去左餐廳食野,跟住又再次見到tiger哥,佢話焜爺响樓下,我落去就會見到~其實佢前幾日都話左我知佢有份做助選員,但我唔知tiger哥都有份姐,因為佢都唔係住呢度,所以覺得出奇囉。返到樓下果然見到焜爺,佢好似唔認得我咁(可能係因為我四眼啦,哈哈)佢仲叫我投9號tim~
我梗係冇理佢啦,況且我都投左咯!^^