一年一度既漫畫展又舉行喇,今年係我第一次去呀!果日係7月31日
雖然我對漫畫冇乜興趣,但見d人玩cosmo play好似幾得意咁,咪同icy去湊下熱鬧囉…點知呢,去到係勁多人…好似返大陸打蛇餅咁。

哈哈,之前果個星期先去完會展睇書展,咁快又黎多次會展。
果然真係好氣氛呀,音樂都強勁d呀,又有d靚女姐姐睇,(哈哈,分分鐘可能細過我呀)其實都冇乜睇o岩呀,我又唔玩online game既,又唔睇漫畫既,不過我地都行左三個幾鐘呀,因為人太多,去果個mega store度,要排好耐隊先入得,咁難得入到去,點都要買番d野走既,好彩裹面都幾多野賣,不過都係得d精品o岩我地睇,所以呢我就响果度買左個叮噹公仔喇！
去到玩具反斗城,我地一人買左支花花,好靚嫁…哈哈,太抵了,只係$9.9乍~
我地仲睇左一陣live band,嘩~好似係第一次睇乍,好感受到唱歌果個既激動呀!!
差唔多6點鄭中基出現呀,原來佢係一個麻雀online game既代言人!
睇完佢,我地都差唔多走喇,因為都行左好耐喇~

跟住我地就去左會展隔離度坐下,影下相,嘩~~估唔到果度環境一流,又有d風wo,真係好鬼羅蔓蒂克嫁~果陣又差唔多7點喇,個天超靚(又橙又藍又紫咁~~),又對住個海wo(我至鍾意嫁喇),最正係果度冇乜人呀,得個呀叔响度釣魚,我地有我地白痴,佢有佢釣唔到魚,哈哈,真係一生一大樂事呀!!而我地為左影一張靚d既合照,用左好多時間,笑到好攰,企到好攰呀…哈哈,不過係值得既~因為icy好快又要重新投入佢既工作,冇時間同我癲lu~到我地影到無可再影既時候,就去左附近既大家樂(因為我想食電視賣既香芒船鐵板餐)點知我地去果間冇鐵板餐嫁wo~

果個大家樂經理就叫我地去遠d果間先有,最終行遠少少都食到,都唔錯啦個餐^^就算了結左我個心願,哈哈,最正都係個酥皮忌簾湯,真係好好味呀~~~哈哈
後尾我地就搭960走喇^^