今年既書展,正係過得幾精彩,雖然時間好短,好趕,但收穫都幾豐富~雖然買既書唔多,但見到霍汶希（ｍａｎｉ）,boy’z 同埋 I　ｌｏｖｅ　ｕ　ｂｏｙz（ｄｏｎａｌｄ同埋少爺占）既真人呀～真係超搞笑囉，我講既係　ｉ　ｌｏｖｅ　ｕ　ｂｏｙz，佢地扮晒“食Ｑ”護送ＭＡＮＩ入埸，又著晒食Ｑ衫，戴晒假髮咁，又叫ｄ人男左女右，企番好，跟住又冇啦啦彈句「你地快ｄ女扮男，男扮女」，好似真食Ｑ咁呀，哈哈！！

其實我都只係買左兩本書乍，因為本人對於「書」呢樣野不是太感興趣
後尾去到突破果度就買左個火柴人既筆袋同埋ＮＯＴＥ　ＢＯＯＫ，真係好鬼抵呀
冇啦啦仲做埋突破會員ｔｉｍ～

今次ＩＣＹ就買左好多書喇，佢第一本買既，當然就係ＪＯＥＹ的寫真集啦，果然响果度買係抵Ｄ喎，８８蚊乍！！買到ＩＣＹ佢幾咁開心呀！！

跟住路經９０３攤位，見到ｄ野都幾靚喎，不過我冇買喎，呵呵～

去完書展，我地就去左ｔｅａ喇，哈，點知呢ｔｅａ之完後，落好大好大既雨ｗｏ，我地又拎住鬼死咁多野，真係哩咁ｈａｅ呀！！不過又幾鬼浪漫ｗｏ，就係咁我地就兩個人拎住一把傘走去巴士站喇～當時我地成身都濕晒呀，真係．．．原來諗ｉｃｙ屋企借ｄ野就走，但佢媽咪太好客了，就係咁，我就响佢屋企食埋晚飯先走喇～