2025-07-06 20:24:25Ｅｔｈａｎ～
６／７／２０２５
是日活動本身就計劃去屈姐屋企進行，不過突然間收到佢通知佢有事喎～！？
於是我地就決定將地點改去屈妹屋企啦，但今次就因世俊要開工而未能齊人~！！
我地本身約左12:30pm去屈妹到，不過我到場之時原來所有人都未到啦~？！
加上阿妹又去左接晞晞放學兼要會合Angela，所以佢地就遲左少少先返到嚕～！！
至於子瑜就o係我到場冇耐就到步，之後返齊人就開始叫埋野食送上o黎喇~！！
慶祝生日其實係一個理由俾大家聚一聚啦，同埋每次同呢個班底玩都係好好笑～！！
我地一班人圍埋都會講下生活、工作同埋笑話，同時又要陪小朋友一齊玩下~！！
至於今次仲一齊計劃下第四季一齊北上玩下添呀，當然要天氣情況都係許可啦~！！
而家要夾到咁多人齊人都唔係易事，所以每次見面聚會都係應該要好好珍惜。。。
事因大家返工時間都唔同又要夾下唔同因素，而家連子瑜新工都唔係放周末呀～！！
而是次上半場因為屈姐未能參與，所以佢已經約左我上半場完左之後同我晚飯。。。
難得出現到我同埋佢加埋屈妹三人行，呢個可以咁樣一齊去食野兼吹水o既狀態都好難~！！