2025-07-06 09:41:08Ｅｔｈａｎ～
５／７／２０２５
講返轉頭都真係好耐都冇食過放題，所以早前司欣話去都覺得冇所謂啦～！！
至於今晚當然唔少得仲有Phoebe一家人，事關每次聚會都係呢個班底啦~！！
今晚圍埋都係食下野同講下近況咋，大家都有講下各自身體問題同點樣應對啦～？！
畢竟我地都已經唔算好後生嘛，或多或少都一定有ｄ問題需要去解決同醫治嚕～！！
Phoebe早前已經辭左職就正在搵工中，所以佢都有問下我醫院仲有冇請人啦~？！
至於司欣就因為勞損問題搞到周身傷痛，當然我地大家都有勸下佢要去搞搞佢～？！
反正佢早前都已經買左相關保險喇，咁點解唔好好利用一下呢ｄ保障o既野呢~？！
而Jacky就同我談及下關係近日AI軟件野，事關呢ｄ野近年都係大熱野丫嘛。。。
不過現時市面上絕大部份AI野都係需要俾錢，而且仲要睇下你識唔識用添呀～？！
至於Beeus就依然好喜歡玩溜冰，佢父母都有同我地講下佢最近o既表現啦~？！
當然另一重點就係計劃一齊去旅行，不過佢地暫時仲未處理好證件同未有打算飛~？！
所以我地就諗下不如簡單ｄ去珠海同澳門玩下先，但就要睇下第四季可唔可以成事~？！
司欣就話因為佢明早要早起開工關係，所以完左飯局之後就已經要準備走人啦。。。
而我地一行人就去左DONKI到行左一陣先兼買下野，同時夾下個月會再約埋聚下嚕~？！