2025-07-02 19:41:33Ｅｔｈａｎ～
３０／６—１／７／２０２５
日前先同孫仔補祝完佢生日，事隔左一日之後就到我生日之旅計劃要開始～！！
今年由阿仔負責安排同處理晒所有野，當然我都知道君怡都會幫手一齊揀下嚕～？！
因為是次我地會一同出發到珠海橫琴到行下玩下，畢竟我地都未去過呢個地方嘛～？！
下午大約兩點左右會合埋我之後，就正式開始去經港珠澳口岸向目的地進發喇~！！
雖然佢係大陸地方啦，不過唔知係咪新發展加上又係由澳門負責管理所以都幾好～！！
至少我地都見到好多野都仲係好新淨啦，加上今次阿仔又安排左間渡錯o既酒店呀～！！
呢度唔算好人多但都叫做方便啦，事因我地無論係去食野定行街都唔算要去到好遠~？！
雖然我地今次主打都係call車去唔同地方，不過我地今次首日慶生晚飯個地方真係唔錯~！！
加上佢ｄ野食、服務同環境又算好好添啦，整體o黎講呢一餐慶生飯都真係好抵食囉～！！
及後我地就去左附近一個新商場到行個圈啦，而呢度都係參考左澳門o既一ｄ萄式建築呀~！！
及後我地就返去酒店到提早食蛋糕慶祝啦，至於佈置方面就於中午時間簡單咁準備好晒喇~！！
至於是次酒店房間都真係非常之大間啦，而阿仔就幫我地安排左兩間房去入住呀。。。
我自己一個首次可以獨霸一間500呎o既大房，加上出面個景色仲要係海景兼望住澳門～！！
一直都好希望自己可以獨處一下o既我，今次都叫做完成左我一個好期待o既夢想啦~！！
事因一直生活都非常之忙碌又煩，所以我好多時都好希望可以有一個寧靜空間屬於自己～？！
雖然呢度唔係我自己真正o既屋企啦，不過我起碼都叫做可以一試到呢種冇煩音o既感覺啦~！！
至於第二日就一行人去左長隆o既水上樂園到玩下，雖然我地都唔係主打玩機動遊戲啦。。。
不過有小朋友都係需要陪下佢去ｄ有童真o既地方玩下，當然大人都係陪下同埋行下啦~？！
而我地除左係志在一齊去玩下之餘，同時都希望大家可以一同創造更多新經歷同埋回憶啦~！！
完左所有計劃晒o既行程之後，我地就折返酒店輕鬆玩一陣兼整理下行裝就回程返香港啦。。。
夜晚同阿仔佢地一齊簡單咁食埋個晚飯之後，佢同我又傾左一陣計就正式完成全個行程~！！