2025-06-08 19:07:05Ｅｔｈａｎ～
８／６／２０２５
之前都已經好多次唔可以齊人呀，而今次就好彩可以齊晒人一齊上屈姐到聚一聚～！！
我地本身就夾好左12:30PM到步開始啦，不過每次都預左會有人會遲到嘛。。。
至於我同屈妹及Angela就約埋一齊上去呀，所以會合左先再一齊行過去囉~！！
無論大人定係小朋友都需要見下朋友，我地成堆大人一齊傾計就小朋友自己玩下～！！
事因屈妹個同世俊個女女又好好咁可以一齊玩，所以我地基本上次次都係揀屋企做定點～！！
至於子瑜今次就話佢已經搵到新工啦，及後佢就開始要返新工同埋都應該有排忙喇。。。
而我地做開小朋友範疇o既各位就繼續好忙啦，事關而家成個社會都好似好多問題咁嘛～？！
需要去求醫o既新一代都非常之多呀，所以呢個話題都引起左大家好大o既共鳴呀～！！
為左唔好太浪費野食o既關係，最近我地都決定親身落去附近到買野食先拎上樓。。。
畢竟而家真係好食o既野都唔平呀，而且我地聚埋都係為左俾大家見下一齊開心下嚕～？！
而是次聚會當中就一齊玩下子瑜帶o黎o既遊戲啦，不過個個玩完之後就嗌好燒腦呀～！！
好多時聚會中食咩都已經唔係一個重點喇，反而大家開開心心圍埋玩下先係重要呀～！！