2025-06-01 19:38:16Ｅｔｈａｎ～
１／６／２０２５
早前就剛剛完成左呢年第一飛，所以今日就約左阿沈出去尖沙咀到見面~！！
事因我地都會定期見下聚下，不過早前就因為未能夾到時所以先約到今日~！！
去完旅行除左會同佢講下旅行中所有趣事之外，我每次都會俾D手信佢添嚕～！！
是次會面就梗係都有好多野講啦，除左談及到旅行計劃同生活事宜之外。。。
今次都有講下工作問題同埋護膚問題啦，而我地今次就約左去尖沙咀食韓國野~！！
呢到個環境都比較暗但就幾好氣氛，呢轉飯局時間就梗係乜都誚一大餐先啦。。。
本身完成左飯局之後個計劃係去配水庫，不過天氣太熱關係最後就改左去行街啦～！！
加上我都有Ｄ關於買護膚品問題想講教下佢，所以佢就陪去我旺角行下同睇下嚕～！！
唔知係咪食到大家都覺得有D唔想再行住，於是我地就去左間餐廳食返個甜品啦～！！
朋友之間見面都真係要乜都可以傾下講下囉，同時大家都期待下半年可以有Ｄ活動啦~？！
我地暫時都諗緊係咪可以一齊去日本旅行，尤其係北海道就可以租車一齊同遊下嚕~？！