2021-09-19 18:43:48Ｅｔｈａｎ～
１９／９／２０２１
事因今次除左幫阿Kris慶祝生日之外，另一重點就係阿沈成婚一事要請我地~！！
當然阿Ming同埋結怡就負責幫阿沈做姊妹，至於阿Kris就幫Andy手做兄弟呀～！！
而我就負責擔任大會司儀兼總監製啦，所以今次都係趁機約齊大家去傾下先啦~？！
其實都真係好難得可以齊晒所有人見面傾下計，所以我地今次都留守左較長時間～！！
而我就約好阿沈於12:45pm沙田會合左再一齊去餐廳，再者事前都仲要去買蛋糕～！！
今次會面除左談及到有關婚禮一事之外，大家都會一齊講下生活同埋工作事宜啦~？！
不過全程氣氛都係好搞笑同埋輕鬆啦，始終我地都唔係話要放負而係想一齊講下笑下~！！
而且我地大家都會就住唔同方面去俾下睇法，大家圍埋一齊咪就係講下未來計劃囉~！？
當然成婚之後就各有各家庭喇，再者早前阿Kris同阿Ming又話想移民離開香港喇～！！
所以我地宜家都係叫做有一次聚一次咋，至於年底時間阿沈間新屋就將會正式入伙啦~！？
屆時我地都會正式約埋一齊去搞下做入伙派對，希望到時多一個地方俾我地聚埋嚕~？！
稍後時間大家都會約埋一齊去試衫，事因阿沈話想搵埋各位一齊去試下兄弟同姊姊造型~！！
不過日子就暫時未有落實住啦，始終都仲係要等阿沈同間舖頭約好左時間先再作定案~！！