2021-09-19 09:51:02Ｅｔｈａｎ～
１８／９／２０２１
佢都真係極少數仲可以繼續留守o既新一輩，或者呢個係佢識得感恩o既結果～！！
今年佢都少左時間同我見面啦，不過生日時間就一定會一齊慶祝同埋去玩下~！！
至於今日亦都係於上個月就已經夾好左日子，而且我地仲要就埋君怡一齊到場~！！
不過今日又知道佢o黎緊兩個月又要離開香港，最快都可能要年尾先再見到佢～！！
佢呢一年o既感覺唔同左好多，尤其係價值觀同埋心態轉變就真係最為明顯～！！
估唔到一向出名好脾氣同埋包容性高o既佢，今日都突破聽到佢同我傾下人生觀~！？
因為佢開始對自己生活同身邊朋友多左睇法，同時間都係開始改變左處理方法~！！
一直以黎佢同我性格同想法都好似啦，原因佢就話係因為經我一手訓練出黎喎～！！
所以好多時講開人生課題時個感覺都好接近，至於佢呢次改變或者係因為自尊心啦~！！
好多時我地會希望同一班好朋友繼續維繫落去，但係時間真係可以改變好多野嚕~？！
至於今日行程方面就由我負責安排啦，而蛋糕方面就於早前已經同君怡傾好晒~！！
我地第一場會先去旺角一間cafe到食野，上段想轉為試一個簡單o既西式lunch啦～！！
畢竟以往都試過好多唔同感覺o既高級食肆，今次第一場就想換返個chill feeling呀～！！
圍埋最重要課題都係乜都會講下啦，當中包括生活、工作同埋感情方面等事宜~！！
只不過今次當講到揀朋友同埋相處問題上，就比以往都傾得更加深入同埋多d想法～！！
至於完左上半場飯局之後，少不免就係中間會搵唔同地方一齊行下睇下或者買下野~！？
因為今次下段時間都相對早就食野嘛，同時我地下段時間都轉為去尖沙咀繼續下半段啦~！！
是日晚飯已經安排好左去海港城食中餐，而呢間餐廳個景觀同埋感覺都非常之好~！！
所以我地都有o係正式開場係有打下卡先啦，畢竟夜左之後就好難影到更多靚相啦~！！
至於尾段部份除左繼續深入去傾下價值觀改變之外，同時都有講下來年個方向啦～！！
當然唔少得就係呢個時間就完成埋蛋糕出場呢部份嚕，始終一個完整o既生日都係要有～！！