2021-08-30 19:34:02Ethan~

29/8/2021


經過左兩次改動之後就決定左今日,事因之前大家都因為打針而唔舒服嘛~!!
至於今次就只有我同阿沈出去聚一聚,其他人今次就暫時未有時間參加喇~!!

我地約左11:30AM出去尖沙咀會合,其實今次見面時間應該都係算好早呀~!!
事因我地以往都係約下午時間為主,不過今次就選擇左上段時間見面傾下計~!?
而且我地各自下午都有其他事宜需要處理,所以見完面之後就各有各散喇~!!

今次會面其中一個重點題目就係阿沈結婚啦,而且日子亦都已經定好左喇~!!
所以佢今次都有特登抽時間我傾下呢部份事宜,下次就要約晒全部人一齊見啦~!!
因為阿Ming同埋Kris都係名單之內呀,咁當然結恰都係仲需要d時間去考慮下啦~?!

除左講到關於結婚一事之外,我地今次都有講到關於生活同埋工作方面d問題啦
尤其係阿沈就更加多野想同我呻下啦,事因令佢有不滿o既成因我都係明白同理解~?!
我地都認同有d人只適合做朋友唔可以合作,而佢亦都覺得結怡需要改變下自己~?!

講到呢一點我地都好明白佢有咩事,我地都覺得佢份人好好但就交際技巧有d問題~?!
再者佢都有問到我點解到宜家都唔揀佢做另一半,至於係咩原因亦都已經解釋左喇~!!
或者就係因為生活問題同埋經歷而令我要好多考慮,而且佢仲係未夠成熟處理到自己~!?

至於下次會面時間暫時都已經定好左,不過係用一個咩班底去做下次聚會就到時先知~!?
因為結怡一直都好想同佢地再一齊見面,但係我就覺得佢出到去都冇咩話題好講啦~?!
而且阿沈亦都知道自己要避忌下某d話題嚕,畢竟佢地兩個都係要一齊共事嘛~!!