2021-08-22 19:46:28Ethan~

22/8/2021


今個月就係子瑜同埋Angela生日月啦,所以我都專登連同屈姐同屈妹約埋一齊~!!
就算一個簡單o既形式圍埋一齊慶祝下都好,起碼都叫做有一份心意當係去見下~?!

今次約左1:00pm上去屈姐屋企到,當然兩大主角就稍後時間先再前後到場啦~?!
至於我同屈妹就約埋一齊出門口過去,及後就連同屈姐一齊去買埋蛋糕先上返去~!!
再者我地今次冇再好似以往咁買一個蛋糕做慶祝,而係買幾件細cake去做形式~!!

大家到場之後就係先開始食lunch啦,今次我地都只係叫左KFC外賣送上屋企食啦~!?
至於表哥就因為要返工關係所以要早走,阿榮就因為返左北角而缺席今次活動啦~!!
圍埋主要都係講下近日生活事宜,不過今次反而多左一齊講下娛樂圏o既話題喎~!!

屈妹就因為阿女扭計要返屋企關係,今次完晒所有儀式之後就先行離開左喇~!!
至於我就連同其他一齊打麻將呀,不過今次係我多年o黎首次落場去學下點樣玩~?!
雖然我就係一個新手去學下玩咋,但係佢地幾個都竟然話俾我一個贏晒佢地呀~!!
其實一班朋友圍埋可以笑下玩下已經好難得,所以我地都只希望呢樣野可以盡力維繫~!!