2021-08-02 20:22:00Ethan~

1/8/2021


消費券今日正式出台啦,所以我早前都已經計劃好左有咩好想趁機買啦~?!
當然都係一堆自己會用得著o既物品,同時又想買下新衫褲鞋襪之類嚕~!!

至於今日就應左結怡約出去會展到睇旅遊展,事因佢有兩張免費飛可以去~!!
我地而家就因為疫情唔可以去第二度旅行,咁樣去行下睇下其他國家都好呀~?!
反正有排都未有得出去外地玩嘛,咁咪當自己去左唔同國家到打下卡囉~!!

不過今次個場面比預期中細啦,事因好多國家都冇o黎呢到擺攤位做下推荐~!!
是日行程主打都係由佢負責安排好呀,就連今次一日兩餐都係由佢做晒準備嚕~!!

我地頭段時間都係灣仔食野之後先入場,之後就繼續o係灣仔同銅鑼灣到行街買野~!!
至於佢就全程陪我周圍制同埋一齊搵我想買o既野,事因我仲搵到一部超抵風扇仔嚕~!!
其實今次買d野都係之前已經想入手喇,只係我就拖到消費券出台後先至正式買咋~!!

買完左想要o既野之後就去左搭電車同渡輪過海,因為下半場就係返左尖沙咀食野~!!
可能因為今日真係行左好多路喇,加上我地又費事再專登去搵餐廳又要排隊等位嚕~?!
最終都係去左新港中心食少少野就算,咁當然全日都傾左唔少生活同埋周邊話題啦~!!