營養師推薦 營養三寶 照顧全家健康 贊助
2014-05-25 13:39:27Ethan~

25/5/2014


今個月接近最後一場meeting由阿仔負責,而今日行程計劃方面同樣都係由佢安排啦~!!
由於下個月開始o既佢就要正式長駐大陸,所以我地以後o既會面次數或者機會都受影響~!!

趁住今日會面當然有講下近日o既生活要事,同時我地都要著手夾埋我生日o既安排啦~?!
事因我地早前講過話想迪士尼住返晚兼玩一日,所以今次會面都有同佢談及到呢件事~!!
畢竟我稍後時間都要開始俾期其他人,咁樣我地最早夾好晒d安排就唔使之後先o黎煩~!!

同樣今日我地都有講到旅行一事啦,早前都同佢講過我年底將會同家人一齊去韓國一轉~!!
但當時o既計劃裡面係有埋佢,不過照宜家情況咁睇都係唔可以計埋佢同我一齊去啦~!!
所以佢就答應我稍後時間會同我去第二到補數,但目前最大問題始終都係時間協調方面~!!

至於今日o既行程安排方面,我地就約左4:30pm一齊去新墟睇返場〝Delete愛人〞啦~!!
可能我地之前都曾經計劃過有好多戲會一齊睇,但好多時都係因為時間問題而一再延誤啦~!!
趁住今日大家都夾到時間可以一聚,咁就不如搵d室內活動搞下兼一齊睇返場笑戲笑下嚕~!!

而晚飯方面就一如以往去左市中心喇,至於晚飯之後我地仲去埋景峰到食埋個糖水啦~!!
雖然今日行程都係比較簡單,但係主打我地都係以室內活動為主兼埋唔可以熱到我發火呀~!!

而o係晚飯及糖水位時間方面,我地一度傾到有關佢早前都提過o既感情生活及對象啦~!!
雖然現階段佢都心明佢喜歡o既對象未必會揀自己,但我就覺得佢暫時應該將心機放於事業~!!

對象同朋友都係一樣需要用時間維繫,所以我都趁住今日呢轉最後一次提醒佢有咩要面對~?!
佢經歷左十一年時間先o黎到今時今日,但下月開始就將會有一連串唔同o既變數陸續出現~!!
既然佢自己都知道有好多唔明朗因素會出現,不如宜家就俾定個心理準備俾自己好過啦~!!

而o係早前佢亦都已經睇回憶錄Part2啦,我相信佢對呢十一年內所發生o既事有唔少感受~?!
回憶過去之時就好似呢一切冇都係幾耐之前發生,但我地始終都要明白人大左就會有好多變數~!!
正正就係因為呢一切變數o既出現,我地就更加會明白自己想要o既係咩同埋要作出取捨呀~!!
今晚都用左唔少事例去鼓勵佢同埋俾d問題佢去諗下,當佢參透當中道理之後就會再進一步~!!