今日全日o既行程唔算係好緊湊，但係我就分別同左三個人會面啦～！！
事因我近期都有唔少問題想搵人傾下，所以咪要搵o岩對象見面傾下啦～！！

上段時間就約左表嫂出灣仔食lunch，當然呢個時間都係有埋表哥啦～！！
未去lunch之前就先約去銅鑼灣行左一排，及後我地先會合埋表哥一齊食飯～！！

而今日呢一轉亦係我同表嫂識左以o黎，傾得最耐同埋最多野o既一次呀～！！
我地今日傾左好多生活，相處同拍拖o既事，事因佢都知道我呢排好煩惱嘛～？！

其實o係食飯時間都有聽過表哥意見，但表嫂o既睇法反而就比較全面呀～！！
因為佢差唔多由識表哥開始o既野到近年o既事，今日近乎一次過同我講晒啦～！！

唔知點解同佢傾計反而得最多共嗚，或者係因為佢o既情況同我好近似啦～？！
由於我現階段都已經遇到唔少問題，而且我又會考慮到未來一系列問題呢～？！
所以我都舟意將所以情況同表嫂講下，從而希望睇下佢o既分析同埋意見啦～！！

佢係從女仔角度去出發且加埋好多現實情況，所以佢都好明白我係點諗啦～！！
我地都深明每一對人相處o既情況都有別，但係我個對手就的確有唔少問題～！！
加上我身邊各個單位都提出佢有唔少問題，所以佢係需要作出一系列改善～！！

盲住以上種種問題都傾左近六個鐘，及後我就要過返尖沙咀會合阿仔啦～！！
事因今晚我將會同佢去半島酒店晚飯，而呢餐晚飯主要係補返佢o既生日飯～！！

同樣地今晚同阿仔都傾左唔少野，當中亦都有包括上段同表嫂傾過o既事宜啦～！！
今年係佢出道後第十個年頭o既生日，所以今日都特意同佢回顧一下過去～！！

出道已經有十年時間o既佢，當中就梗係經歷左唔少野兼且都成長左唔少啦～！！
同時o黎緊都將近年尾時間喇，本年度總成績又差唔多係時候有總結同檢討啦～！！
十年過去o既佢成熟左好多，同時佢亦提到佢o係外在及內在都學左唔少野啦～！！

除左以上主打兩個話題之外，我地今晚亦都有談及到未來o既一連串計劃啦～！！
宜家已經臨近年底o既時間，換言之下一年o既各個年度計劃亦即將上台喇～！！

同時我又有同佢講到近日多個掛牌o既事，主打當然就係交代下『愛人』先啦～！！
畢竟呢個人係佢一個有絕對威脅性o既對手，所以我亦勸喻佢必須要繼續努力～！！
雖然已經行過左十個年頭，但未來o既考驗同改變係將會有更多未知知數囉～！！