2013-03-07 19:01:36Ethan~

6/3/2013

今晚晚飯之後再度過左友愛,事因今轉見面就係有料要爆呀~!!
近年度o既是非多左就係人都知,再者大家o既關係亦日漸出現變化~!!

雖然日前先完左個聚會,不過當中o既是非及投訴亦都有唔少啦~!!
我都睇到隨住各人有左另一半之後,好多關係都陸續開始出現變數啦~!!

有人掛住拍拖而忽略朋友,有人就自我中心太勁而令到身邊人感討厭~?!
當然中間係仲有唔少問題存在,只係我地宜家未急於將個問題擺出面o者~?!

至於今轉會面都係好簡單,因為我地呢次講o既野都係以本年o既事為主~!!
雖然話今年開始左唔係太耐,不過彼此間o既溝通方式就真係唔同晒~?!
以前大家圍埋玩都會希望開心散場,不過近年度大家出現都只係為應酬咁~?!

到底身邊有幾多個真心o既朋友,呢個問題其實都已經傾左好多次啦~?!
正正就係因為見到好多問題陸續出現,所以近年度好多政策都有所改變喇~?!
好似大型聚會數目已經大大減少,而且出席名單又會事前傾掂先出通知~!!

我知道每個人都有唔同性格,不過過於計較同自我o既往往就會被隔離~!?
再者掛牌制都已經有左十幾年,所以各人o既表現亦係重點要睇o既野啦~?!

往年好多人都太過依賴有搞手,但今年開始呢個問題終於就要爆煲喇~?!
其實從各人既迴響及口碑當中,大家都清楚知道邊d人先係主打要員啦~?!
呢d人既然係骨幹成員,當然好多重要o既決定權就會落o係呢班人手中啦~!!

另一方面...
同時又有人過度自閉或自我o既關係,往往就會俾大家留低一個唔好o既印象~!?
所以呢d一直都俾人認為過份冇表現或人緣差o既人,就係會被視為另類成員~!!

先後講左唔少近日及近年o既事宜後,最後就梗係要傾下Phoebe生日活動啦~?!
雖然距離佢生日仲有近一個月時間,但月中時間就差唔多要做好方案o架喇~!!
所以趁住今日會面o既時間,我已經同佢有左初步共識去搞呢次慶生飯局嚕~!!