同Marcus識左一段時間，都未曾正正式式咁同佢單獨食過一次飯～！！
不過近日的確係因為有事發生左，所以我先特意提前約佢有野要傾下嚕～！！

今次個飯局係並冇『愛人』同場，所以我先可以將部份事宜問下佢意見～？！
事因早前肥仔同佢o既對話單野搞出一個疑雲，咁我就唯有用呢招去收下風～？！

今轉同Marcus簡單咁約左食個lunch去傾，不過佢都未有任何資料可以俾我～？！
事關佢話佢同『愛人』近排好少見面，而且當事人又並冇同佢提及詔任何事～！！

不過佢同我講o既野係同我既想法吻合，因為我地都唔希望去冤枉好人呀～！！
我地兩個立場某程度上係好一致，因為我地都相信佢未至於會壞到呢個地步～！！
所以我地都認同係應該要有證據，先至好去判斷佢真係有做過呢ｄ事囉～！！

另一方面．．．
當Marcus問我近日o既事之際，我都坦言同佢講左我同『愛人』之間係出左事～！？
因為我早段已經同佢嘈左好幾次，但到宜家都好似仲未真係拎到共識咁囉～！？

我知道Marcus同佢識左咁耐，最起碼佢o既性格同埋操守都應該有一定認知啦～！！
所以我都希望透過呢個人格證人去引證ｄ野，同埋從佢身上可以搵返ｄ信心嚕～！！

我地都清楚知道暫時唔可以肯定到ｄ咩，所以我地仍然會選擇去相信佢嚕～！！
而且我地所諗所想o既方向，都係從我地所了解o既佢去考慮各種唔同因素囉～！！

呢件事暫時未可以正式劃上句號o既情況下，另一個風波估唔到就隨即出現喇～？！
事因當事人已經知道我地知道左件事，而且仲大發我同埋Marcus脾氣添呀～！！

因為佢覺得我地唔相信佢同埋屈佢，但係我強調我地兩個現階段都冇呢個諗法～？！
到底係佢唔相信我地選擇左相信佢，定係佢一早就已經覺得我地問佢就係唔信佢～？？
如果我地真係已經落實左個答案，我地根本就唔需要再去做任何野求證啦～？！

一次又一次出現信任o既問題，而且我地近期的確為左唔少問題而前後大吵過～？！
而兩個人之間信任不斷出現問題之後，到底呢段關係係咪仲可以繼續行到落去呢～？！
呢一刻o既我已經開始唔識答我自己，到底我同佢之間仲有冇將來可言呢～？？