今日全日o既飯局約會都排到滿晒，所以我今日全日都冇返過去屋企食飯呀．．．
中午Luinch-time時間，我要同『愛人』，肥妹及兩位老細出去市中心食飯啦～！！

至於呢餐lunch其實係為左早前開放日，我地有份幫過手做野而搞o既慶功啦～！！
我地三個月同事加埋兩位老細圍埋，其實個氣氛都叫做有點兒奇怪啦～！！

話晒我地都從未試過有咁o既組合，但同佢地兩位傾落計之後又覺得冇咩啦～？！
我諗主因可能係因為『愛人』在場識開話題，而我又比較擅長去搭嗲講野呢～！？

圍埋o既話題主要都係講公司野，所以我地都唔覺得會有咩特別唔o岩講啦～？！
但係『愛人』即將離開一事，今次竟然又再一次成為我地談論o既話題嚕～！！

另一方面．．．
今日o既『愛人』又突然話覺得唔舒服，所以我起初都真係有ｄ擔心唷～！！
我諗主要都係因為呢排天氣轉變，加埋佢呢期個人生活上o既問題以致佢作病嚕～？！

但係為左佢最近呢ｄ問題，我地下午時間竟然就差ｄ又大吵一鑊囉．．．
越近佢要離開呢到o既日子，我對住佢就會覺得越慌亂同埋好容易就扯晒火鬧佢～！？
再者日前已經為左新方向問題而傾過，但我地就好似仲未正式達到一個共識嚕～？！

因為我一直都睇到佢係好有能力，好多層面o既野其實佢係可以做得好好嚕～！！
但係我俾左好幾個月時間佢去試改，但佢至今都仲係懶懶閒咁唔願意出力去做囉～！！
而佢就咬住我曾經講過〝我唔會刻意去改變佢〞呢句話，而o黎同我拗數嚕～！！

其實近日已經開始睇返佢呢年o黎o既所有野，當中包括左唔少我地之間o既野．．．
睇返佢曾經o既努力同改變，以至佢o既優點同缺點兩方面o既平衡同拿捏啦～！！
即將最後一次o既Gathering當中，我就會同佢正式做返一個總結同正式埋尾囉～！！

至於夜晚收左後o既時間，我就出左去旺角同Tracy，Ken及詩嘉食飯啦．．．
而今次飯局出現o既主要原因，其實都真係叫做為左俾大家聚下見下面啦～！！

不過o係呢餐飯當中，我就梗係又聽到唔少是是非非同埋圈內o既問題啦．．．
單單係由Tracy婚禮當日開始計，呢一個多月o既時間都已經睇到唔少問題出現～！！

特別係圈內o既問題已經開始浮出o黎，而呢堆問題其實我早前亦已經預計到～！！
要o係呢個圈裡面企得穩兼有影響力，我覺得真係一個絕不簡單o既任務呀～！！
特別係圈外o既人要打入呢個圈，佢地就更加需要付出更多o既努力去換取認同～！！

至於o係大家食完飯兼吹完水之後，我突然又收到Raymond來電喎．．．
由於佢今晚都出左尖沙咀同朋友食飯，所以我就打o黎問下我地當時散左未～？！

及後．．．我地五個就一致決定去間樓上Coffee到飲下野兼玩多陣啦～！！
而呢轉o既我地就冇咩特別野傾過，不過一玩就玩到近12am先開始由旺角散水嚕～！！
 
明星

當你見到天上星星　可有想起我
可有記得當年我的臉
曾為你更比星星笑得多
當你記起當年往事　你又會如何
可會輕輕淒然嘆喟
懷念我在你心中　照耀過

我像那銀河星星　讓你默默愛過
更那柔柔光輝　為你解痛楚

當你見到光明星星　請你想　想起我
當你見到星河燦爛　求你在心中記住我

當你記起當年往事　你又會如何
可會輕輕淒然嘆喟
懷念我在你心中　照耀過

我像那銀河星星　讓你默默愛過
更那柔柔光輝　為你解痛楚

當你見到光明星星　請你想　想起我
當你見到星河燦爛　求你在心中記住我