一連兩日都同左同事出去食lunch，不過人物就當然有別啦．．．
尋日就係同三子出左去飲茶，主要圍埋都係講下ｄ無聊話題啦～！！

雖然係同齊晒三子一齊出去，不過今日o既感覺已經唔同左以前喇～！！
佢地俾我o既感覺明顯唔同左，就算圍埋食飯都仍然係有ｄ距離咁嚕～！！

呢餐飯同以往冇咩大分別，不過俊俊同『愛人』呢期就多左話題啦～！！
畢竟佢地兩個近日都多左接觸，而且部份放假時間又一齊北上尋歡樂呢～！！

至於今日呢場方面，就係我同會計部o既同事外出食飯啦．．．
雖然我地係屬於唔同部門，不過o係平日工作上o既接觸就令我地熟左啦～！！

佢地畢竟都唔似自己圍內班朋友，可以將好多內心o既野都傾得到～！！
不過同佢地一齊傾計o既時候都幾開心，因為我地都唔係有太多顧忌啦～！！

呢轉傾到o既野，主要都係講下公司ｄ野同埋平日部份私人生活o既野～！！
我地都會就住唔同o既話題，去講下自己o既意見或者睇法去做下交流啦～！！
有時候就係從ｄ基本話題開始入手，反而可以令到大家感覺輕鬆添～！！

另一方面．．．近日自己都發覺自己同公司眾多o既同事都熟晒啦～！！
所以佢地有好多事都會搵我傾或者問意見，但呢期o既事又多數都係不快喎～？！

可能因為自己o既性格關係，所以佢地咁多位都鐘意搵我傾心事啦．．．
而且亦都係因為呢個轉變o既緣故，所以就令我今年生日飯局突然要加場嚕～！！