呢排公司都好多事發生，而且好多野都牽涉到『愛人』在內．．．
負能量而再次出現o係生活之中，所以呢期都覺得個人煩左ｄ嚕～！！

為左呢排『愛人』o既問題都夠苦惱，所以呢期都有同阿仔呻下囉～！！
至於o係呢段日子裡面，我同『愛人』真係每一晚都有傾電話呀～！！
因為佢不論有事冇事都會打俾我，搞到呢個好似係一個習慣咁嚕～！！

至於今晚又有約所以出左去，而呢個約都係尋晚12am先至落實o既～！！
而原定今晚呢個約係應該有三個人出席，但係最終就得返我同Angela兩個啦～！！

由於大妹話佢唔係太舒服，所以佢就缺席今晚呢個宵夜約會喇～！！
等到Angela差唔多夠鐘收工之時，我先開始走去搭西鐵落去朗屏站等佢啦～！！

因為佢早前話想去食Ｂ仔，所以我咪陪佢去食兼且吹下水囉．．．
我地見面最主要都係同對方呻下近期ｄ事，而且又會講下呢排ｄ生活野啦～！！
我諗呢期除左我工作得麻麻地之外，一聽佢開口講就已經知道佢怨氣好重喇～！！

不過佢對住我就唔會點發脾氣，只係將佢谷埋o既野一次過爆晒出o黎唷．．．
咁我地見面除左會講下ｄ負面野之外，我當然亦會講下笑話令佢開心返o既～？！

直到吹完水兼食完野之後，我地就一齊行返去搭西鐵準備散水啦．．．
點知呢個時候『愛人』竟然又打俾我，當時其實都已經令我打左個突o架喇～！！
話晒都差唔多又12am啦．．．我點都估唔到佢會咁夜都仲打o黎搵我囉～？！

我都開始發覺．．．自從我轉左返放工時間之後o既生活真係唔同晒～！！
呢排唔係晚晚傾電話或者傾MSN傾到好夜，另外就係成日都好多約要出街嚕～！！