呢排公司繼續有唔少風波，所以好多相關同事都主動搵我訴苦呀．．．
可能就係因為呢堆風波，所以就更加令我同呢班新晉同事o既關係變好左嚕～！！

不論係男仔定女仔同事，佢地都話我係一個傾訴o既好對象喎．．．
或者就係因為大家熟左之後，佢地就放心去同我講佢地個人對呢到o既觀感啦～！！

至於掛牌成員方面，大家都係繼續過住ｄ病住o黎忙o既生活啦．．．
而Angela就爆到竟然於早前飛左去泰國兩日，而且仲係話飛就即飛o個種唷～？！
雖然佢返到o黎之後就隨即通知左我，不過我都唔識點樣俾反應佢至好嚕～？！

至於司欣就將於今年回歸，我地都希望稍後時間可以同佢搞到聚會啦～？！
話晒佢都已經有接近兩年時間係真空，希望佢o既回歸可以係件好事啦～！！

另一方面．．．即將就到農曆新年，所以要搞o既飯局都要提前去做～！！
我下星期之前就會完晒要做o既野，之後就會離開香港一段時間去過節喇～！！

至於今晚呢個飯局又係一個新組合，因為今次只係得我地三子約埋咋～？！
原定於下周同個仔o既飯局，今次就特意加入埋秘書o係過年前一聚呀～！！
而呢個安排亦係應阿仔早前要求，所以就出現左今次呢個新局面喇～！！

我地今次之行就安排左去旺角打邊爐，而早前秘書亦都搵好左料啦～！！
我同秘書就大約６ｐｍ左右先去朗豪坊會合，隨後就陪佢去拎返ｄ野啦～！！

由於阿仔今日突發性要返學，所以我地就約左７ｐｍ先正式會合啦～！！
至於o係拎完野兼行左一陣之後，我地就過去地鐵站接埋個仔去食飯喇～！！

今次飯局雖然得我地三個男仔，但係傾到o既話題仍然都係有唔少o架～！！
除左有提到部份家族o既野之外，我地生活上o既事宜亦都有講到啦～！！

就係因為有連場笑話係咁出，所以食飯o既氣氛亦都相當唔錯呀．．．
而飯局之後．．．我同個仔就一齊去搭車，而秘書就自行搭車返屋企啦～！！

另一方面，原本Angela今晚都有意想約我見面或者一齊食飯o架．．．
但由於呢邊個約會早就落實左先，所以同佢o既約會就唯有改於下星期喇～！！

 
至於o係我地回程期間，呢部份所傾o既問題就係上次話過會傾o既野啦～！？
今日收到阿仔個新時間表同佢相關o既新動向，所以未來方向就肯定有變～！！
而我亦都早就估到佢o既答案係點，所以呢個安排相信都應該係最恰當喇～！！

要傾同埋要再一次提及o既問題，我地都已經有左進一步o既共識喇～！！
我希望o係呢個程度o既了解之下，日後o既協調方面可以做得更加好啦～！！

至於o係今晚提到o既事宜當中，部份我亦有於早前同佢商討過o架．．．
畢竟現實生活就係現實生活，好多抉擇同問題都總係要我地去面對嚕～！！

由於我下星期尾就要離港，所以事宜上o既安排會有所調整啦．．．
阿仔去幫我拎埋部巴士返o黎當晚，就將會係同佢新年前o既最後一次會面～！！

回望返自己上年度對個仔o既承諾，我都已經先後一一咁完成晒喇．．．
而上年年度以『輕鬆』為題o既方向亦已經兌現，咁樣都可以叫做冇遺憾啦～！！

而上年想做同計劃左會o既事，亦o係個仔o既配合之下完成左絕大部份喇～！！
呢兩年為左想個仔開心同埋感到難忘，我亦都試過去做好多突破自己o既事喇～！！
希望今年我地o既可以繼續係咁好，一同去留低更多更多我地共同o既歷史啦～！！