另一個年度大型活動，終於都o係呢個聖誕節假期搞得成喇～！！
今次之行係我地共一行八人，齊齊去左大嶼山o既塘福到玩返轉宿營呀～！！

是次之行除左我地兩仔爺外，當然唔少得仲有Ｒａｙｍｏｎｄ及妖人．．．
另外仲有阿姨兩公婆，同埋阿Ｋｅｎ同埋Ｔｒａｃｙ兩公婆一齊完成呢次計劃～！！

難得一個聖誕節可以一齊出去玩，心情就當然係期待又興奮啦．．．
兩日之行都經歷左唔少野，而且呢次經歷又係我同阿大兩仔爺o既第一次喇～！！

又留低左一個並同回憶的確好難得，所以一連兩日o既心情都相當唔錯啦～！！
一齊開始就由２６／１２講起，事關呢日就係呢兩日之行既首個開端嚕～！！

繼平安夜同個仔開心過左一晚之後，今日（２６／１２）又繼續一齊去玩啦～！！
呢朝早訓醒左之後，第一件事就係打俾個仔叫佢起身報野同埋準備出發啦～！！

至於我同阿仔及妖人會合埋之後，就一齊去到市中心搭Ｅ３３入東涌喇～！！
而另一方面o既秘書同阿Ｋｅｎ兩公婆，就各自出發齊齊去到該處先會合啦～！！

入到東涌之後，我地首先就去左超市買左勁多o既零食同埋野飲去營舍啦～！！
做好晒事前準備功夫之後，我地就開開心心咁一齊再轉搭巴士至目的地唷～！！

當我地到達目的地之後，首要就梗係放低晒ｄ野同埋準備開始要玩o既野啦～？！
到大家都正式分好晒房間之後，首先我地一行六人就先玩返轉ＵＮＯ同埋打牌喇～！！

呢到o既環境其實都相當唔錯，而感覺同清潔程度都比我地想像中要好啦～？！
開開心心咁玩左一個下午之後，阿大就因為要出返屯門而暫時離開一段時間啦～！！

至於我地一行五人就繼續打牌，直到阿姨兩公婆於稍後時間入來一齊食晚飯～！！
再一次浩浩蕩蕩咁外出食晚飯同埋吹水，呢種輕鬆且開心o既感覺亦都相當好啦～！！

食飯食到接近１０ｐｍ左右，我就同Ｒａｙｍｏｎｄ約埋出東涌接返個仔～！！
其實原本我都打算由個仔自己返來啦，或者秘書真係比較明白我內心所想啦～！？
最終佢都提議同我出去一轉，最後就去東涌接埋個仔一齊搭的士返去營舍～！！

另一方面．．．佢地其他人就先折返營舍去玩或者先休息一下啦～！！
直到我地三個都齊齊返到埋之後，一行八人就圍埋一齊玩，傾計同埋影相喇～！！
難得有呢ｄ可以一齊出去玩o既機會，我當然會好好珍惜同埋把握時間啦～！！

一個計劃左好耐o既活動，今次能夠可以成事當然唔少得搞手o既功勞啦～？！
不過估唔到首晚會因為玩o既問題而出事，最後就分開左三份人各自娛樂囉～！！

當中部份人一直玩到天光至訓，而阿仔同我就玩到４ａｍ左右就去左一齊訓～！！
而今晚所發生o既事情當中，我亦有同個仔講過下且唔想佢涉及事件當中啦～？！

而今晚另一難忘事件，就係我地三個男仔返營舍途中仲望到天上ｄ星星呀～！！
呢種好大自然o既感覺真係好舒服，平日o既所有煩惱感覺就好似忽然間消失晒咁～？！

而o係我訓前同訓後．．．我同阿姨都為左尋晚件事先後都傾左幾轉啦～！！
而呢晚訓前o既會議當中，仲有妖人同埋阿大都有份一齊o係房入面傾左一排啦～！！

另外．．．原本個仔會計劃同我去睇日出，但無奈最終都係冇成事啦～！！
雖然o係呢轉過程中係有不快事發生過，而且呢個睇日出之行又未能夠成事呀～！？
但係．．．呢ｄ不足依然都影響唔到我心裡面覺得開心同滿足o既感覺呀～！！

 
至於第二早同阿姨傾左一排之後，等埋所有人起晒身之後就要準備離開喇～！！
由於呢朝仍然有好多暗湧存在o既關係，所以我地就特意安排阿仔最後先起身唷～！！

而o係去食ｌｕｎｃｈ之前，我地就先到附近o既沙灘玩左一陣同埋影下相啦～！！
今轉我地所影o既又係以搞笑相為主，而我地影相o既感覺主要都係隨心去影～！！
而呢次影相過程當中，個仔亦有應我扭計要求而揹住我影左一張唷～！！^.^

至於最後一轉就係食野時間圍埋傾計，以及安排回程後晚上大家o既最尾行程～！！
最終我地就折返屯門，一行五人上左去妖人屋企到玩左輪大富翁及Ｄｅａｌ啦～！！
而呢轉先行離開o既就係Ｔｒａｃｙ兩公婆，而我地玩完之後仲一齊去食晚飯～！！

我知道呢次之行對於阿仔來講，係一個幾新同埋幾深o既體會同感受呀．．．
事關o係呢兩日之行裡面，佢真係比平日聚會中聽到同睇到更多意想不到o既事～！！
直到呢個飯局都完埋之後，我送埋個仔去搭車後正式為呢次活動劃上句號喇～！！

其實朋友間o既相處之道都不外乎互相尊重，但係點解最終要搞到咁呢～？！
一個難得搞得成o既旅程係應該開心至係，而唔係應該搞到大家之間有條刺嚕～！！

所以話做人處事o既學問真係唔簡單，而且呢樣野仲會隨住成長而變得複雜囉～？！
每每一ｄ好少好少o既事情，分分鐘可以變成一道永遠不可磨滅o既疤痕呀～！！

而呢次聖誕短程旅行，除左真正令我覺得輕鬆，開心同埋難忘之外．．．
同時亦o係今次之行當中o既一ｄ經歷，令我得多左更多o既體會同埋反思嚕～！！