今日全日o既約會，分別排左上下午兩場．．．
訓醒覺之後，我先出左去葵芳做左ｄ自己野再返元朗～！！

大約１：０５ｐｍ左右，我就到左元朗西啦．．．
而呢場要見o既人，其實就係早前o係感情上出左問題o既偉倫～！！

我地都好耐冇見過面，但於日前就ＭＳＮ通過下訊啦～！！
所以佢就同我講左ｄ私事，同時就決定約今日見面傾下嚕～！！

於佢最初同我講o個陣，其實我都打左個突嫁．．．
因為佢俾大家o既印象完全唔似，但係點都估唔到故事會變到咁～？！

幸好我遇過同見過o既事都唔少，所以我都好易咁接受到嚕～！！
當然兩個男仔傾到呢ｄ野，佢就梗係點都容易開口同唔駛避忌啦～！！

聽佢呻完之後，我就俾左ｄ意見同方法佢．．．
希望佢可以學懂放低同面對，期後我地就正式完成今日見面喇～！！

至於下一場，就係好早之前已經計劃左o既活動喇．．．
今次我地交由三妹帶隊，去左元朗一個新場到唱Ｋ呀～！！

而是次活動除左我、阿大同三妹之外．．．
另外仲有Ｔｒａｃｙ同埋阿Ｋｅｎ，人數雖少但同樣唱得開心～！！

其實今晚出席o既人，個個都係唱得之人啦．．．
而且人唔多o既關係，所以我地可以唱到o既歌就比平時多嚕～！！

今次唱Ｋ活動，將會係阿大走之前最後一次．．．
同時呢次佢o既出席，係我o既要求之外；同時佢都想陪下我呢～！！

今晚唱左好多新歌之外，我終於都同阿大唱到晒要唱o既歌喇～！！
唱到１１ｐｍ左右先正式ｃｕｔ歌，我地就終於都要散場離開嚕～！！

最後．．．我地先送左三妹去搭車，跟住就再行過去搭西鐵啦～！！
至於最後一個正式o既活動，就將會安排o係７／２喇～！！

至於今日除左講到下埋尾呢段時間o既所有安排之外．．．
我仲趁機爆左ｄ料俾阿大聽，另外仲再次提醒佢出國後有咩要小心～！！

即將步入尾聲，話咁快就正式到左最後一個月倒數喇．．．
唔知點解．．．我地兩個到左今日，都仍然仲未做好心理準備嚕～？！