1-9-07(六)放12:30，去黃金買NDS，由$1360，講至$1350買了部黑色用N卡o既NDS。

跟住去學結他(最後一堂結他了)阿sir派了歌譜Romance de Amor，呢首歌好聽，又唔係太難學，要好好練習先得。
上完堂報名學中級圍棋，跟住去葵興學車，最後一堂學車了，學埋今堂總共學了22.5個鐘，阿湯教左我係試過既拍位程序，同埋練左由1號位轉去5號位既泊車方法，同埋要留心踩離合器轉波後，唔好即刻一腳鬆開，架車會好chop，會肥佬架!

學完車5:45走，6:05返到教會，幫tracy界紙，雯雯接近6:30時打o黎話佢而家先係學校走，偉仔6:32分返o黎，到6:50打俾家媛，佢先起身，唉…，其實我今日好累了，run左成日，d人重要遲到，真係冇曬心機，7點2到人齊了，開始靈修分享同講下近況，過程中又ok，我地重傾到成9點先完，然後去生記食粥。
生記d雞粥好有雞味wor，都好味，但食完超口渴，睇o黎碗粥有味精。
返到屋企又掛住上網同埋同阿哥一齊打NDS，最後預備埋明天同阿B上八課既課堂，成2點幾先訓。

PS幫tracy做野，同偉仔閒談，佢話阿湯係考試前同佢講定D o黎就得架，死啦!阿湯唔俾意見我wor，其實我自己都唔敢問，我相信我到時唔好出錯，定d o黎就可以了。阿鵬話葵盛圍唔係最難考，天光道會難d，其實問心個句，個試場我都練慣了，所以不太驚。