29-1-06(日)年初一，十家人成朝冇食野係到等大哥同大嫂回來食飯，點知佢地唔返黎，上星期大哥打電話返黎話點解我地食團年飯唔叫佢(佢好多年都冇出席屋企的食飯聚會，所以不嬲都冇搵佢)，咁佢就主動約我地年約一食飯，但又唔出現，竟然欺騙我地，重要餓著個肚等佢，連電話都冇過，真係過份簡直離曬大譜。

30-1-06(一)年初二，在家，黃昏時份出商場租VCD，順便感受一下新年時節，D商販擺曬D攤檔出商場門口的新年氣氛。

31-1-06(二)年初三，晚飯與Phoebe同Heath係九龍城街巿三樓食泰國野，對上一次係呢到食野係係2002年同瑩瑩、Alan係到食，咁快又幾年了。飯後坐17號巴士回家。
零晨時，等到點幾睇風塵三俠，之後睇有哥哥做的花田喜事，等到咁鬼夜先有哥哥套戲，真係超睇訓。

1-2-06(三)今朝5:00先睡，訓到12:00起身，1:00出旺角稻香同惜利、Phoebe飲茶，跟住去渣打買了d纽紙，我真係一個投資殺手，買乜旅乜，幾年前買呢個0981中芯國際就一上巿就跌破招股價，今次雖然係纽紙既低位買，但之後個價重低d tim，唉…
夜晚去了evelyn家食飯，去到佢家時，佢阿媽同細佬都未返，於是我地兩個傾下計同埋彈鋼琴，而她又有夢中的婚禮呢個譜，所以係到學彈呢首歌，呢首歌好好聽架，我都好鐘意架。