我今次就嚟到位於合和中心嘅旋轉餐廳

「自助山」

唔講住先啦我就入去先啦

首先就要搭電梯去到3樓

之後再跟着指示搭升降機去到62樓

出升降機後就到自助山嘅入口

喺門口嗰度已經有幾個職員迎接我哋

之後亦都好有禮貌咁帶到我哋去到個座位嗰度

一去到都已經見到張枱都有啲餐具

亦都有個口罩袋、濕紙巾同埋一張餐巾

餐廳枱與枱嘅空間都幾大㗎

因為疫情期間兩張枱嘅中間都加多左一張枱

咁中間嗰張枱就唔坐得人嘅

大家就可以擺啲袋係中間嗰度

就令到個空間大啲

但係張枱嘅空間就唔算好大

有陣時想擺多幾隻碟都唔得

之後就講下個餐牌方面

餐牌方面佢就返咗前菜同主菜

如果大家想知道有啲咩嘢食嘅話

就自己停嚟睇啦

之後亦都有杯免費嘅嘢飲

但係我都要講明先

因為我今次係聖誕嗰陣時食

所以可能就會換咗個餐牌

但係如果真係換咗餐牌

大家都可以睇吓依段片

參考吓啲食物質素係點

呢個半自助下午茶就分咗兩個價錢

推薦閱讀：【飲食知多啲】與你解構大家樂下午茶三寶 「炸雞髀、西多士、紅豆冰」

就有兩道餸或者三道餸

兩度餸就可以喺前菜或者主菜嗰度揀一度

之後再加一個自助甜品

就係$208一位

三道餸嘅話就會包一個前菜一個主菜

同一個自助甜品

就係每位$258

我今次就嗌咗兩度餸

首先就講吓佢個自助甜品區先

驟眼睇選擇都好多

同埋啲甜品都好精緻

分別就有紅莓慕絲蛋糕

綠茶紅豆慕絲

藍莓乳酪慕絲蛋糕

焦糖朱古力慕絲蛋糕

柚子芝士慕絲蛋糕

仲有抹茶紅豆泡芙

同埋兩款馬卡龍

焦糖海鹽蛋糕

仲有啲抹茶嘅嘢食

例如抹茶奶凍同埋抹茶慕絲蛋糕

仲有自家製丹麥酥

同埋木槺布甸

我亦都有啲曲奇同埋蛋糕仔

再加啲水果同埋五款雪糕

隔離都有好多配料比大家選擇

亦都唔少得一個朱古力噴泉

當然唔少得有格仔餅同鬆餅

同埋麵包布甸

甜品方面整體都好好味

所有甜品都唔會過甜

亦都整得好靚同好好味

整體真係好好味

食咗少少甜品之後主菜亦都到啦

我就嗌左一個泰式蟹肉炒飯

我屋企人就嗌左火雞蘑菇漢堡配田園沙律

兩份嘢食嘅賣相都好靚㗎

首先就講吓個炒飯先

炒飯嘅配料都好多

成個炒飯都好香㗎

炒飯就有少少辣

所以唔食得辣嘅話就要注意一下

咁蟹肉都算多同埋碗野都幾大碗

所以呢個都幾值得嗌

之後就講吓個火雞漢堡啦

咁個漢堡包個味道就一一般般

兩邊嘅麵包都明顯看得唔夠多

所以個麵包係林嘅

同埋個火雞肉係好乾身

所以真係唔係太好味

咁佢個蜜糖烤甜薯都幾好味

佢就有少少甜甜地

所以佢呢個菜單都幾創新

嘢飲方面佢都擺得幾靚

都係正常味道

介紹完個嘢食之後我都想講下個景

因為呢間餐廳喺62樓嘅關係

所以其實都冇乜高樓大廈係遮住佢

同埋佢係旋轉餐廳嘅關係

所以其實喺嗰度嘅360度嘅景都可以望到晒

佢就會每兩小時轉到一個圈

所以係下午茶時段每個景都只係可以睇到一次

所以大家就要把握每個景嚟影相

話咁快就介紹完個餐廳

咁就做返個總結先

首先就係服務方面

餐廳嘅職員都好有禮貌

同埋職員補充食物嘅速度都好快

所以係服務方面我都會比佢為五粒星

之後就到餐飲方面

食物嘅選擇都好多

賣相有好味道又好味

所以係餐飲方面我都會比佢為四粒星

價錢方面都唔算好貴

整體個CP都算高

個總結話咁快就完啦

咁呢段片都終於完啦

相關文章推薦閱讀：

• 紅磡酒店吃點心
• 試食11款西式鹹甜點
• 紅磡下午茶8款點心拼盤只要60蚊