2016-10-24 16:45:59森源
學咗先算…
最緊要仲有呢份想學習的森情，先至有呢份毅力同精神…對於幾廿歲的老人家來講學習最怕冇記性，可是就偏偏要考記性…好可能大家會話老人家學嚟做乜?!老實講：可能有機會用得著，始終學到的都是自己嘛…有時出到嚟做事或在日常生活上，先發覺書到用時方恨少…呢句說話在某程度上都冇錯嘅！
或者學習英語比較實際…唔常用就會變得生疏！唔要求好精，根本都冇乜可能精喇～又唔係在外國生活！只求聽得懂答得到就OK了（對自己對事森伯真係唔敢太高要求（擰晒頭）…）
英語的公開試都有好幾個（例如：TOEFL, IELTS, TOEIC…），啲人移民、求職、海外讀書都係靠呢啲試！當然森伯暫時幾樣都唔係啦！只係想溫習番啲英語！其實坊間有好多呢類書，怕本本差唔多就買一本先，佢預你每日用十分鐘時間背必考單字…
而每日都有成十幾個字要記（至於記咩生字，例子：
consequence…conservationist…conspicuous…constituent…constitution…contemplate…）@@嘩！唔易架？！都想放棄，後來考試局人員話呢個試只係選擇題，背唔背單字隨你…講到唔太難，唯有硬住頭皮繼續溫習下去，於是一日內容分三日讀，本來十個星期讀完的書本，結果用咗成半年先讀完…齋溫呢本書都未必夠，仲買埋文法與併音練習…當然唔會貿貿然去報考，有番咁上下信心先考得！無謂嘥咗考試費～
森伯都有種扒手心態…取易不取難，呢個試！算冇咁多要兼顧！自修有個好處，可以認為OK先去考！無人迫你唔去都得，乜嘢都係自己話事…唯一怕工餘溫習時間唔夠…
最近都有森兄呢種心態，抱住點都一試心情研究下煮餸，想試就行動吧，有時不一定要證明D咩野，人生有時唔洗太多計算，與時並進已經是生活態度。
版主回應
好開心見到Boss的回歸，blog友已經賣少見少嘞…其實學習烹飪是有需要，都係一項求生本能，努力鑽研學習吧～對呀有時學習都唔係要證明一些東西，能夠做到學有所用為最實際～～彼此努力啦！ 2016-10-27 09:41:18
嘩,森兄好勁,第三果個我要查字典先識:P
讀書果陣我已經好怕睇喱類講生字講文法的書,揭唔夠三頁我一定瞓著,反而會鍾意睇小說,有時睇到啲字唔識都求其估估下就算,懶查字典丫嘛XXXD
版主回應
若果你高材生都認為難的話，森伯唔識都唔出奇，背咗都未必入腦要重溫…通常生字文法的書都係密密一堆字，未睇都已經想訓，好在現在有科技幫手，電子辭典、MP3慳番唔少揭來揭去，查來查去的工作～唯有迫住當學外語係一種興趣，咁樣會輕鬆少少… 2016-10-25 16:32:21
我沒你這麼積極，可能也因為年紀大怕失敗（唔想衰的心理），所以我只揀有機會成功的來學！
有時在工作，在生活上或多或少都要用到外語，迫住要學吓…有時即學即用，簡直係──老森速成班！！ 2016-11-09 09:35:26