2016-06-08 08:55:51森源
炎夏涼品…
夏日炎炎，食咩最爽呢？！當然係當造的水果啦！
除非特別酸的水果唔會食之外，其他都喜歡嘅！其實想搵真正唔酸的水果唔容易，始終好多生果都含有果酸，不過有夏日聖品之稱的西瓜，就算唔甜但都起碼唔酸，呢個時候食就最啱～～
等森醫師略講吓西瓜又有咩功效：清熱解暑、生津止渴、利尿除煩的功效～單憑除煩呢點幾啱森伯伯，可能老人家到了某個年期，特別煩躁……XXXD
尤其略凍的西瓜，食了喉嚨都舒服啲～以前食西瓜都比較多核，吐核都有排吐，現在可能有改良版的小西瓜，幾乎冇乜核，要整西瓜汁都相當容易！其實唔駛搞咁多，就咁食已經最消暑喇！
真係唔覺唔覺又端午，今早仲有人問周四咩假期…所以話打工仔每日營營役役時光消逝都唔知～過端午除咗食粽之餘，都不忘食番件西瓜消吓滯喎！！
西瓜真是夏天的最佳消暑妙品！
版主回應
其實夏天有很多消暑妙品,西瓜只是其中一樣...
2016-06-13 08:46:10
西瓜是夏天不可缺少消暑妙品.
現端午節最開心是有一天假期, 大部份伙記都旅行去!
版主回應
其實夏天都大把水果揀，仲可以食吓其他瓜果…現在的人一有假期都諗吓有咩節目去玩，大都忘了節日的真正意義～ 2016-06-10 12:21:47
你喱個西瓜都幾薄皮喎
我都多數係就咁食最天然^^
就咁食方便嘛~~ 2016-06-14 09:43:32