大約到七點鐘度，阿威，天耀，Sony，viola都入到長洲，我地去左惠康度買Beer同其他雜項野。過左一陣，魚蛋都黎到長洲。眾人哇哇哇入到屋之後，Sony，阿古，Gloria，汶仔係度打牌，而阿威，天耀，魚蛋，大佬，Viola就係度玩『電話傳情』遊戲。

講真真係唔知邊條粉腸諗埋d咁野，其實玩『Cume棉胎』，輸左果個要俾最先贏果個用隻腳扮電話放上塊面度，仲話要摔兩摔喎，摔你屎忽~~~仲唔夠嘔心核突咩…可憐既大佬因為大耐無玩，所以分別俾魚蛋部大水壺手機，阿威部3310，仲有死天耀果部跌過落屎坑既電話放上塊面度。天耀果部放上塊面度時，仲暖架！仲有少少濕濕地，仲有陣屎味tim呀！

（圖中見到既，就係魚蛋果部水壺，你地可以睇下，三隻手都遮唔晒佢隻腳架！）

我地玩左一陣之後，就上左去BBQ，而大佬同魚蛋就出左去買野俾古爹食。當佢地返到黎時，有人話viola同天耀嘈交喎，仲咸左出黎tim…原來當時係咁既…

Viola打電話俾大佬：『……買麵包呀…唔洗買咩咩咩喇……bababababaar~』
遠方既大佬就話：『唔洗買菜咩？……哦……okok……bababababaar』
跟住Viola身邊既阿威就話：『你俾我聽啦』
跟住Viola係電話度同大佬繼續：『Babababarr…bababbbaaar…』
天耀就發揮佢一生所餘無幾既男性魅力，好大聲講：『俾阿威講呀！』
可憐受驚既viola，就咁樣嚇到咸左出黎…不過都係好少事…初時大佬同魚蛋佢地以為同第『三』者有關tim...原來無料到~

燒完野食之後，我地影相，魚蛋就扮田雞跳高食烏蠅（佢學人玩單鋼，但係對腳失調，擺到成個八字波咁…）、天耀急尿，又懶落去柯，最後就俾人影左佢果『秋』小龍眼，不過睇相既應該唔會留意，因為直望會覺得果秋野似拉練頭多，所以耀耀唔洗擔心唷~~阿威、阿古、魚蛋又扮千手觀音，當然阿古個樣唔似啦，唔夠祥和之餘，仲有少少騡形喎…唉，真(舌)瀆神靈囉~我地成班又擺『無間道三』劇照，個個都勁神似，完全分唔出邊張真邊張假，不過大家可以留意相下方零零丁丁有個冬菇頭，唔多唔少，真係有d想煎吧落去…… =.=

大家就咁樣搞下搞下，到十一點左右，就落返去屋度，準備去探險喇…