小氣會終於係3月13日去左長洲啦，一團人由傻仔會長帶領下，玩左一個難忘既兩日一夜，不過我始終覺得，如果要玩，一定要玩夠3日兩夜先夠皮。起碼有一日度可以休息下嘛。

下午兩點鐘左右，第一批人仕包括阿古，Gloria，大佬同汶仔首先入去長洲租屋。入到去裡面之後，我地去搵屋租，不過對海景果邊已經無晒，當阿古問緊一間檔仔之際，大佬行左去後面問另外一間，

『有無對海架？』
個八婆話：『無啦，不過其他屋都好靚架。』
『我地有6-8個人，你俾d相我睇下啦』
個死八婆話：『好呀，你睇xxxx好靚xxx好叉靚xxxx真係好靚』
『咁幾多錢呀？』
個臭八婆話：『450蚊一晚』
『有d貴喎，可唔可以平d？不如你俾第2d相我睇…』
但賤婦話：『無喇，無喇，而家無相喇，無屋喇，你行埋一邊諗完先再講啦！』
我即是興都標屎：『你講咩話？我唔係睇緊咩？』
個死賤貨話：『我有客呀，你行埋一邊啦！』
Visting her lovely mother，剛剛阿古佢地返黎，叫我唔好出聲，活生生吞左成斤屎落肚…
最後我地租左二樓果間，但係裡面好差，所以我地就換左202房，唔錯架，有一條海景『啦』睇下架。

入到屋放低晒d野之後，我地等阿威佢地第二批入黎，等佢地果時我地去左食糖水，買BBQ要食既野。
當我地食糖水時，阿古叫左碗『香茫涼粉豆腐花』。上左糖水之後，個女人行埋黎同阿古講：

『你個碗野要落糖槳先甜架…』當時阿古佢已經將佢自已果碗唔甜既糖水大啖大啖塞入咀…
『……呀……我知呀……』阿古話，然後佢拎起支野，唧左好多糖漿落佢自已果碗度。
『呀~~ 唔好意思呀，我係好多咀架，唔洗理我架』個女人講完之後走都走唔切…

會長呀會長~~ 你知唔知好失禮架~~~ 唔知道可以加糖漿咪衰衰地認左佢囉~~ 咁樣我地點跟你出黎行走肛門呀？