踏入4月～真係好忙咯～因為考試嘛．．
今次真係算好勤力咯．．起碼肯溫書囉．．哈
考試好多都ｏｋ既．．但可能衰左ａｃｃｏｕｎｔ．．
２題ｌｏｎｇ　ｑｕｅｓｔｉｏｎ．．加埋５０分．．
我竟然唔識做喎．．咁好有可能要補考．．＞＿＜
算啦．．都冇計架喇．．唉．．．
考到１４號就考晒．．考完之後同ｄ同學仔出左旺角行街食飯．．
之後夜晚係屋企睇埋大長今．．到８點幾就同霞姐一齊食飯．
阿芷重色輕友啦．．唔同我地出黎．．激死．．
但好彩我地兩個雖然都好耐冇見喇．．
但當然仲好好傾啦．．哈～老朋友嘛．．
食完飯仲返左大埔墟屋企留下食糖水添．．
１１點幾先返屋企．．
１５號就同ｉｖｅ　ｄ朋友仔去海洋公園玩．．
六個人去．．華ｄｅｅ啦，ｊｕｄｙ，細軍，湯生湯太同我啦．．
好好玩啊．．咩ｇａｍｅ都玩．．又唔駛排隊喎．．抵晒
玩越礦飛車玩左成４次．．跳樓機好驚啊．．望住個海跌落黎．．
玩到痴痴地．．之後去玩係水到沖落黎個隻船．．頂．．
死仔細軍搞到我成身都係水．．落船全身都係濕晒．．
濕到仲可以滴晒水．．內衣褲都濕晒．．
激死．．搞到要去廁所吹左好耐先唔滴水．．
之後就四圍行．．我仲玩ｄ攤位添．．
因為ｄ禮物係叮噹嘛．．哈．．仲有扭蛋添
我地又睇海洋劇場．．好細個同屋企人先會去睇．．
今次睇真係好好睇．．海豚好得意啊．．
之後又去睇熊貓．．終於見到佢地唔係訓緊覺喇．．
再去左兒童王國玩得好開心呀我．．
同小朋友一齊玩小型跳樓機．．好好笑．．
到６點左右我地就走喇．．個陣個身先開始乾．．
離開海洋公園我地去左銅鑼灣飲野同行左陣．．
之後去左廟街行街．．同華ｄｅｅ傾左好耐．．
其實兩個人係埋一齊最緊要係開心ｊｅ．．
唔開心唔好迫自己啦．．諗咁多都冇用架啦．．
希望個傻妹識諗啦．．之後食野個人好唔舒服．．
唔知係咪濕身又“ｕｐ”住．．搞到好病咁．．
好冇胃口．．咁我冇同佢地食野就走先喇～
返到屋企．．１２點幾就訓啦．．訓到今日１點幾先識醒．．
可能尋日真係玩到太累ｌｕ～
星期一就實習喇．．真係好唔想去．．
但唔去又冇得畢業喎．．唉．．
唔捨得男朋友，班姊妹．同班朋友仔啊．．
好驚自己唔適應．．ｏｒ俾人蝦．．
做ｔｒａｉｎｅｅ冇得出聲架嘛．．
地位又最低．．唉．．＞＿＜
我會掛住每一個朋友仔架喇！！
放假搵你地啦~~^^~~

ｐ．ｓ．ｆｒａｎｋ．冇人留言俾我好可憐咩．．
　　　我唔覺ｂｏｒ～呵．．＾＾