新年快樂～～～～終於都踏入２００４年喇～～
講返３１號做過Ｄ咩先啦～３１號好早就起左身～
因為約左ＳＫＹＬＳＴ唱Ｋ呀～我地講好左要一齊唱１７歲架～
下次再唱個陣我地又唔同晒歲數ｌｕ～而且我仲聽到個好消息～
我地既成員有人拍拖ｌｕ～～
恭喜晒～～～祝佢地開開心心～長長久久～～
唱ｋ好抵呀～３３蚊由１１點唱到３點幾都未ｃｕｔ歌～
我唱到３點３左右就同楚走先～因為我要去拎驗身報告啊～
結果發現我個肺有事～唔知係咪俾人頂得多呢～～哈哈
其實有ｄ擔心因為咁冇得去實習～唉．．唔好諗咁多～
我要開心ｄ嘛．．．哈哈～
拎完報告之後我就返大埔喇～因為今晚約左芷同霞姐上我屋企ｂｂｑ～
唔知點解我愈黎愈唔鐘意迫同嘈～寧願係屋企幾個朋友傾下計倒數～
我地飲左好多啤酒呀～搞到我醉醉地～不過開心嘛～
傾左好多野～回顧返０３年既事～同埋傾下ｄ感情問題咁啦～
我發覺我要搵一個靜ｄ既男仔做男朋友喇～諗野成熟～
仲要唔好成日係咁講錢～咁就完美喇～哈哈
踏入０４年～我今年要開開心心～唔要再咁黑仔喇～唔要再自尋煩惱～
而且０３年既包袱我要全部放低～一切重新開始～
包括感情，家庭，學業．．通通我都要重新去開始呀～～

希望新既一年～
所有既朋友仔都開開心心～身體健康～心想事成～要乜有乜啦～～～