2009-02-19 10:19:43＊SANDY＊
血光之災
話說尋日去試伴娘裙，試完第一條裙後，已經令我心情跌到落谷底，因為新年前度身改的裙，依家試條腰又緊左！！頂，新年玩大左！
之後試埋第二條，一穿落去就感覺怪怪地，覺得個肚有少少痛，除返條裙睇，原來心頭仲有支大頭針，就係呢支大頭針令到白滑的肚DUM多左條血痕，激死我，試裙都有血光之災，真係估你唔到，更估你唔到的，係個老闆娘仲可以嬉皮笑臉的嘻哈帶過，完全無覺得唔好意思，激死我，鬧你又唔係，嬲你又唔係，最後痛個一個又係我！！
下次試裙真係要睇清楚有無疑似大頭針的物體先好試！