昨天，聖誕前夕，
一早就入了上水從安老苑接祖母出來，
現在有馬鐵，由上水火車站返到第一城都係七個字的事
而且更方便了祖母的輪椅上落

一家人去飲茶，
嫲嫲見到咁多人陪她實開心啦
還有爸爸的老朋友馬生馬太

之後上了契爺家陪嫲嫲打牌
嫲嫲還有本事自摸清一色添

夜晚出街食，
整天都陪住家人，
沒有和女友二人世界的時間，
不過她亦不介意，二人世界還有大把機會啦.....

整天不停給不同的人在問、提、講...
都係話想問我們幾時結婚咁.....
這個問題都ok，咪照問，我照冇答lor...

反而我諗到一樣好得意的情形....
就係有朝一日，我們一班老友
帶住自己的小朋友，出來食飯
還談論住︰
艾云您的仔幾時娶老婆呀？
艾倫您個女嫁人未呀？
阿mark您抱得孫未呀？.....
哈！好難想像......
但到時又一定真係會好開心.....


今天爸媽及女友都要返舖頭開工
都冇街去，於是自己出了公司
做下野，執下野咁....
其實聖誕節唔一定要四圍去
反而真係想一個人可以靜靜地咁過.......
學艾倫話齋......老了！

不過，如期待明年的聖誕節......
十二萬分期待……